भांगरभूंय | प्रतिनिधी
नवी दिल्ली, खबरां संस्था: देशांतल्या सर्वोच्च सभाघरांत वक्फ बोर्डाच्या कारभार मुखार आयलो. केंद्रीय अल्पसंख्यांक खात्यान हे विशींची आकडेवारी सादर केले उपरांत बोर्डान देशांत कितें केलां तें मुखार आयलें. अल्पसंख्यांक मंत्री किरेन रिजिजू हांणी एका विचारिल्ल्या प्रस्नार पुराय म्हायती सादर केली. तातूंत ८,७२,३५२ संपत्तीची म्हायती आसा.
९९४ मालमत्तेचेर कब्जो
केंद्र सरकारान सादर केल्ले आंकडेवारी प्रमाण, वक्फ बोर्डान सगळ्यांत चड अतिक्रमण तामिळनाडू राज्यांत केल्ल्याचें कळ्ळां. भारतीय कम्युनिस्ट पार्टी, मार्क्सवादी गटाचे फुडारी जॉन ब्रिटास हांणी हे विशीं प्रस्न विचारिल्लो. वक्फ अधिनियमा खाला ८ लाख ७२ हजार ३५२ अचल जाल्यार १६,७१३ अचल मालमत्तांची नोंदणी केल्या.
ह्या राज्यांनी मालमत्ता
किरेन रिजिजू हांणी सांगिल्ले प्रमाण, वक्फ बोर्डान ९९४ संपत्तींचेर अवैध कब्जो केला. तातूंत सगळ्यांत चड ७३४ मालमत्ता तामिळनाडू राज्यांत आसा. जाल्यार आंध्र प्रदेशांत १५२, पंजाबांत ६३, उत्तराखंडांत ११, जम्मू आनी काश्मीर ह्या राज्यांत १० मालमत्तांचेर कब्जो केला.
केंद्र सरकारान जमीन दिवंक ना, राज्यांची म्हायती ना
केंद्र सरकारान २०१९ सावन वक्फ बोर्डाक एकूय जमीन दिवंक नाशिल्ल्याचें केंद्रीय गृहनिर्माण आनी शार मंत्रालयान राज्यसभेंत स्पश्ट केलें. मात राज्यांनी वक्फ बोर्डाक कितली जमीन दिली, हाची म्हायती केंद्रा कडेन ना. फाटल्या सप्तकांत जेपीसीचे अध्यक्ष जगदंबिका पाल हांणी राज्य सरकाराक पत्र बरोवन वक्फ बोर्डान कितल्या सुवातांचेर अतिक्रमण केलें हाची सविस्तर वळेरी मागयिल्ली. हाचे उपरांत हे विशींची म्हायती मुखार आयली. तरी वक्फ बोर्डाक राज्यांनी कितली जमीन दिल्या हाची म्हायती आजूनय उक्ती जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
