भांगरभूंय | प्रतिनिधी
नवी दिल्ली, खबरां संस्था ः वक्फ दुरुस्ती कायद्याच्या यशा उपरांत आतां केंद्र सरकार देशभरांत समान नागरी कायदो हाडपाचो विचार करता. ते खातीर विधी आयोग परतून सक्रीय करपाचें काम सुरू आसा. 23व्या कायदो आयोगाची अधिसुचोवणी 2 सप्टेंबराक जारी जाल्ली. आतां सात म्हयन्यां उपरांत विधी आयोगाचेर अध्यक्ष आनी वांगड्यांची नेमणूक करपाचो निर्णय घेतला.
मे 2023 वर्सा सर्वोच्च न्यायालयाचे निवृत्त जाल्ले न्यायाधीश दिनेश माहेश्वरी आयोगाचे अध्यक्ष जातले. तशेंच दोन वांगड्यांची नेमणूक जातली. वकील हितेश जैन आनी प्रो. डी.पी. वर्मा पुराय वेळ वांगडी आसतले. वर्मा बनारस हिंदू विद्यापिठांत प्रोफेसर आसात. सर्वोच्च न्यायालयाचे वरिश्ठ वकील हितेश जैन हे नागरी, गुन्यांवकारी, वेपारी, आनी घटनात्मक प्रकरणांचे तज्ञ आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
