भांगरभूंय | प्रतिनिधी
बंगळुरू, खबरां संस्था: वंदे भारत स्लीपर ट्रेनींची पयली जोडी आयतारा तयार जाली. फुडल्या १० दिसांनी ही गाडी चांचणी खातीर धाडटले. २ म्हयन्यां उपरांत हे गाडयेचो प्रवासी सेवेंत आसपाव जातलो. वंदे भारत रेल्वेंत सध्या फकत चेयर कार (बसपाची) आनी वंदे भारत मेट्रो (शारांत चलपी) आनी वंदे भारत स्लीपर गाडयो आसात. पूण ह्यो तीन गाडयो एसी वर्गाच्यो आसात. एसी नासतना प्रवास करपी प्रवाशां खातीर अमृत भारत रेल्वे गाडी आसतली.
रेल्वे मंत्री अश्विनी वैष्णव हांणी म्हणलें, हे गाडयेचें भाडें राजधानी रेल्वे सारकें आसतलें. सुरवेक ८०० ते १२०० किमी. रातच्या वेळार प्रवास करपा खातीर ही गाडी प्रवाशांची पयली पसंत करपाचो हेतू आसा.
राजधानी-शताब्दी रेल्वे बंद जातली?
कालौघात वंदे भारत आनी अमृत रेल्वेंच्यो गाडयो हीच भारतीय रेल्वेची वळख जातली अशें रेल्वे बोर्डाचे अधिकारी म्हणटात, राजधानी, शताब्दी रेल्वेगाडयांनी खूब व्हड योगदान दिलें. आतां वंदे भारत आनी अमृत भारत गाडयांचेर ही जापसालदारकी आसतली. तंत्रज्ञानाक लागून आतां इंजिन आनी गाडयेक वेगळें लावपाची गरज आसची ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
