वंदे भारत रेल्वेचे बॅटरेक उजो

भांगरभूंय | प्रतिनिधी

भांगरभूंय । खबरां संस्था

नवी दिल्ली: भोपाळच्यान दिल्ली वचपी वंदे भारत रेल्वेक उजो लागिल्ल्याची घडणूक आयज सोमारा सकाळीं घडली. ही रेल्वे राणी कमलावती रेल्वे स्टेशना वेल्यान निजामुद्दीन वताली. तेन्ना सी-14 डब्यांतले बॅट्रीक उजो लागलो. हातूंत कोणाक दुखापत जावंक ना. उजो पालोवपी दळान घडणुके सुवातेर येवन उजो रोखडोच पालयलो.
प्रवाशांनी दिल्ले म्हायती प्रमाण, रेल्वेच्या सी- 14 डब्याक उजो लागलो. गाडी क्रमांक 20171 भोपाळ- हजरत निजामुद्दीन सकाळीं 5.40 वरांचेर सुटली. उजो लागिल्ल्याची म्हायती मेळटांत रेल्वे थांबोवन सगळ्या प्रवाशांक भायर काडले. उजो पालोवपी दळाच्यो गाडयो घडणुके सुवातेर रोखड्योच दाखल जाल्ल्यान उजो पालोवपाक येस आयलें. सी-14 कोचींतल्या बॅटरेंतल्यान धुंवर येतालो. उपरांत बॅटरेच्या बॉक्साक उजो पेटलो.