भांगरभूंय | प्रतिनिधी
डॉ. ठक्कर, डॉ. खरे त्या तेंपा वयले जेन्ना पयसो न्हय तर मनीसजीण म्हत्वाची आसली. तंत्रगिन्यानाची जोड वेवसायांक मेळूंक नाशिल्ली, चलपा, भोंवपा बराबर देखींतल्यान गिन्यान मेळोवप जातालें.
भारतरत्न मेळोवपी (1991 वर्सा) आदले प्रधानमंत्री मोरारजी देसाय हे निसर्गोपचारान चड तेंप जियेल्ले. प्रधानमंत्र्यांच्या वावरा परस तांचो शिवांबू (स्वमूत्र) घेवपाचो आनी दुसऱ्यांक पुस्तकांतल्यान देख दिवपाचो वावर मोलाचो. तांचे देखींतल्यान शिवांबूची साधना करपी देश, विदेशांत व्हडा प्रमाणांत आसात. शिवांबू विशीं पुस्तकां बरयल्ले आदले प्रधानमंत्री देसाय हे लोकांचे यादींत उरतले. समाजीक वावरा पासत भारतरत्न तांकां मेळ्ळां. उच्च शिक्षण, देशाचें अर्थकारण, उद्येगपतीं कडेन आशिल्ले वळखी परसय शिवांबू साधनेंतल्यान ते अजरंवर जाले.
आदल्या प्रधानमंत्र्यांची देख दिवन ‘वंडर्स ऑफ युरोपथी’ हें पुस्तक डॉ. जी. के. ठक्कर हांणी बरयलां. गोंयांतय तांकां वळखुपी आसतले. लागीं लागीं चार दशकां आदीं गोंयांत शिवांबूचेर परिशद घडोवन हाडटल्यांचे भुरगे आसात. तेन्नाच्या पत्रकारांक दिल्लीं पुस्तकां हालींच हेर पुस्तकांच्या दाळांत म्हाका मेळ्ळीं. पुस्तकाचेर परत नदर मारतना अणभव घेतिल्ल्यान वंडर्स ऑफ युरोपथी विशीं ‘भांगरभूंय’च्या वाचप्यांक सांगचेंशें दिसलें. सोदल्यार हें पुस्तक वाचप्यांकय मेळटलें.
गोंयांतच न्हय देश विदेशांतय कॅन्सर, साथीच्या दुयेंसांचें प्रमाण वाडत आसा. कॅन्सर जाल्ले दोतोर, आदवोगाद, राजकारणी, शिक्षक, हेर वेवसायांत शेंकड्यांनी आसात. डॉ. ठक्कर हे एक आदवोगाद. शिवांबूचेर आपली देख दित तांणी डॉक्टरेट मेळयली. तांच्या पुस्तकाक प्रस्तावना बरोवपी डॉ. बी. व्ही. खरे हांणी ते संबंदी म्हायती दिल्या. डॉ. ठक्कर हांच्या पुस्तकाची भास सादी, सोंपी आसा. हिन्दी, मराठी, इंग्लेज, गुजराती भाशांनी 1996 वर्सा डॉ. ठक्कर हांणी पुस्तकां बरयल्लीं. विदेसी भाशांनी तांचो अणकारय जाला आसतलो.
दुस्वासाच्या विखांतल्यान भलायकी इबाडटा? दुस्वासाचो कॅन्सर आमचे मदीं पातळटा? दुस्वार्थ पयस दवरून वेवस्था सुदारपाच्या वावरांतले स्वमूत्र, गोमूत्र घेतात? दितात? ही म्हायती मेळपाक आर्टिफिशल इंटेलिजन्स उपेगी पडटा व्हय? अणभवांतल्यान गिन्यान मेळयल्ले, मुळचे बुद्धीमान डॉ. ठक्कर आदल्या प्रधानमंत्र्यां कडेन भासाभास करपी. मोरारजीं कडेन जाल्ले भासाभासेंतल्यान डॉ. खरे शिवांबूचो अणभव घेतकीच प्रस्तावना बरोवंक पावले. ताणींच तशें पुस्तकांत सांगलां.
डॉ. ठक्कर हांचें पुस्तक मेळिल्लें तेन्ना त्या पुस्तकांतल्यो चुको कळूंक नाशिल्ल्यो. आयुर्वेद आनी निसर्गोपचार पद्दतींतलें वेगळेपण त्या उपायांचे पद्धतींक विज्ञानाची जोड मेळिल्ल्यान आयज वाडलां. अॅलोपाथींत आयुर्वेद, होमिओपाथी, निसर्गोपचार, तंत्रगिन्यान घुस्पतकीच शिक्षणाचो पावंडो वाडटा, देंवता ताचो अदमास घेवपाचो वावर भारतीय ज्ञान आयोग करतलो. त्या वावरांत सर्त नासल्यार, मनीसजीणेची नितळ मोख आसल्यार तोय जैतवंत जातलो.
डॉ. ठक्कर, डॉ. खरे त्या तेंपा वयले, जेन्ना पयसो न्हय तर मनीसजीण म्हत्वाची आसली. तंत्रगिन्यानाची जोड वेवसायांक मेळूंक नाशिल्ली, चलपा, भोंवपाबराबर देखींतल्यान गिन्यान मेळोवप जातालें. तेंपा प्रमाणे कुरपणें घालतना वैजकी शिक्षणांत, वेवसायांतय तंत्रगिन्यान पावलां. व्हड मोटारी दोतोरकेचें शिक्षण घेवपी विद्यार्थी हाडटात. मोबायलार पुस्तकांय मेळटात तेन्ना डॉ. ठक्कर हांचें पुस्तक फाटीं कित्याक उरतलें?
‘कॅन्सराच्या निमण्या पावंड्यार आशिल्ल्यांक अॅलोपाथीचीं वखदां घेतना स्वमूत्र घेतल्यार संजीवनी मेळटली.’ हीं उतरां डॉ. ठक्कर हांचीं. पुस्तक फुडें व्हरतना तांणीय पुस्तकाक प्रस्तावना बरयल्यांत. ते प्रस्तावनेक शेर शायरीय आसा. उमेदी व्यक्तीमत्व तें पुस्तक वाचतना डोळ्यां मुखार येतलें.
डॉ. ठक्कर हांकां मेळपाची संद गोंयच्या पत्रकारांक मेळिल्ली. खबरेंतल्यान तांकां संवसारभर पावोवपा आदींच ते संवसारांतल्या कोनशांनी पाविल्ले. तांच्याच उतरांनी सांगपाचें जाल्यार, युरोपथी कार्डियाक सर्जरी जाल्ल्यांकय संजीवनी दिवंक शकता, अॅलोपथीची वखदां घेवन. दोतोर आनी पेशंट विश्वास जोडिल्ले, युरोपथी, नॅचरोपथीचे गिन्यानी आसल्यार. पुस्तक वाचल्यारय गिन्यान मेळटा, तें खरें, फट कळ्ळ्यार, देखी दित मेळयल्लें आसल्यार.
आपूण युरोपथीची जायरात करुंक येवंक ना, कितें तरी तुमकां दिवंक आयलां तें अणभव घेवन अशें पुस्तकांत डॉ. ठक्कर सांगतात. मूत (स्वमूत्र) हें वखद न्ही, उदकांतल्यान तें तयार जाता. पावसाचें उदक साठोवन ताचो उपेग पियेवपाक करतात तसोच स्वमूत्राचो उपेगय जावचो ही डॉ. ठक्कर हांच्या पुस्तकाची मोख आशिल्ली व्हय? गोडेंमूत, आर्थरायटीज पेशंटांक स्वमूत्र साधनेचें वखद दितकीच दिशिल्ल्या परिणामांतल्यान डॉ. ठक्कर हांणी पुस्तक बांदिल्लें. स्वमूत्राच्यो बँडेजिस कशो वापरच्यो, कॅन्सर पेशंटांनी स्वमूत्राची साधना कशी करची तें पुस्तक वाचल्यार कळटलें.
साधना जीवीतभर करची पडटा, अर्दकुटी सोडल्यार केल्ले साधनेचीं फळां मेळचीं ना अशें न्हय. सोरो, हेर वेसना पयस दवरल्यार उजवाडाचीं किरणां शिवांबूपाथींतल्यान कित्याक दिसचींना?
सुहासिनी प्रभुगांवकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
