भांगरभूंय | प्रतिनिधी
नवी दिल्ली, खबरां संस्था: ल्हान भुरग्यां मदीं कॅन्सराचो धोको वाडत आशिल्ल्याचें मुखार आयलां. मुंबयचें टाटा मेमोरियल हॉस्पिटल आनी खारघरच्या ऍडव्हान्स्ड सेंटर फॉर ट्रीटमेंट, रिसर्च अँड एज्युकेशन इन कॅन्सर हांगच्या बाल कॅन्सर उपचार संस्थांनी फाटल्या ५ वर्सांनी कॅन्सराच्या प्रकरणांत २% वाड जाल्या. मुंबय, बनारस, गुवाहाटी, विशाखापट्टणम, संगरूर, मुझफ्फरपूर हांगच्या ह्या सगल्या केंद्रांनी २०१९ त २९८१ भुरग्यांची उपचारां खातीर नोंदणी केल्ली. जाल्यार २०२४ त ३८७४ मभुरग्यांची नोंदणी जाल्ली. हाचो अर्थ असो की, फाटल्या पांच वर्सांनी नोंदणींत ३०% वाड जाल्या. तेन्नाच हेर राज्यांनी स्थापन जाल्ल्या टाटा केंद्रांनी नोंदणींचो आंकडोय वाडला.
इंडियन कॅन्सर सोसायटीच्या मतान, देशांत दरवर्सा सुमार ५०००० भुरग्यांक कॅन्सर आसता. तज्ञांच्या मतान, भुरग्यांमदीं कॅन्सराच्या उपचारांक लागून बरे परिणाम मेळटात, जर रोग बेगीन वळखले आनी ताचेर वेळार उपचार जाले जाल्यार.
मुंबयच न्हय तर …
टाटा मेमोरियल सेंटरच्या विस्ताराक लागून दुयेतींक फायदो जाता. कांय वर्सां आदीं सावन दुयेतींक उपचारा खातीर मुंबयक वचचें पडटालें, मात हेर राज्यांनी टाटा सेंटरां उबारिल्ल्यान मुंबय सयत त्याय सेंटरांनी दुयेतींचो आंकडो वाडटा. टाटा मेमोरियल सेंटरा कडल्यान मेळिल्ले आंकडेवारी प्रमाण, २०१९ वसार मुंबयक २०८९ कॅन्सर जाल्ल्या भुरग्यांनी नोंदणी केल्ली. जाल्यार २०२४त २१३१ नव्या दुयेतींची नोंदणी जाली.
९५% प्रमाण वाडलें
टाटाच्या हेर ५ केंद्रांनी २०१९ त ८९२ दुयेतींची नोंदणी जाली आनी २०२४त हो नोंदणेचो आंकडो १७४३ मेरेन पावतलो. हाचो अर्थ असो, मुंबयक उपचार घेवप्यांचो आंकडो ५ वर्सांनी २%नी वाडला आनी हेर ५ केंद्रांनी ९५% वाडला. प्रौढांप्रमाणूच भुरग्यां मदींय कॅन्सराचें प्रमाण वाडपाक लागलां. बरी गजाल म्हणल्यार ह्या दुयेंसाचेर वेळार उपचार केल्यार बरे परिणाम मेळटात.
८०% प्रकरणांनी बरे परिणाम
रक्ताचो कॅन्सर जाल्ल्या भुरग्यांक उपचारा उपरांत खूब बरे परिणाम मेळटात. सुमार ८०% दुयेंती बरे जातात. तशेंच कॅन्सराच्या ट्युमरान ग्रस्त आशिल्ल्या ७०% भुरग्यां मदीं हें दुयेंस बरें जाता, जाल्यार ३०% भुरग्यांक परत कॅन्सर जाता.
लक्षणां तपासात
जर खंयच्याय भुरग्याक दोन सप्तकां परस चड काळ जोर येता, वजन उणें जाता, थकिल्लेवरीं जाणवता, भूक लागना, रक्त येता जाल्यार हीं कॅन्सराचीं लक्षणां आसपाक शकतात. तशेंच ब्रेन ट्यूमराच्या लक्षणां विशीं, जर बरोच काळ तकली दुखप, ओंकप, घुंवळ येवप, हाडां दुखता जाल्यार तपासणी करप गरजेचें.
भुरग्यां मदीं ५ कॅन्सर सामान्य
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
