भांगरभूंय | प्रतिनिधी
पावसाच्या दिसांनी पचनक्रियेची खाशेली जतनाय घेवप गरजेचें आसता. पोटांत दुखप दिसपट्ट्या कामांत व्यत्यय हाडटा. कांय जाण मोडशी जाले उपरांत रोखडेंच वखद घेतात. पूण रोखडेंच वखद घेवचें काय ना?
अतिसार वा लूज मोशन हो एक सामान्य दुयेंस आसून तो कोणाकूय जावंक शकता. जर कोणाकूय अतिसार जाल्यार तज्ञ दोतोराचो सल्लो घेवप गरजेचें. खास करुन ल्हान भुरग्यांक अतिसार जावपाची शक्यताय आसता. अशा वेळार रोखडेंच इलेक्ट्रोलाइट, ग्लुकोज वा रोस, उदक दिवप गरजेचें. कुडीत निर्जलीकरण जावंक दिवचें न्हय आनी रोखडेच दोतोरा कडेन वचचें. दोतोराच्या सल्ल्या बगर केन्नाच वखद दिवचें न्हय. दोतोर अवस्थे प्रमाण कांय वखदां दिता, देखून दुयेंती वेळार बरे जाता. ते खातीर दोतोरांचो सल्लो घेवप म्हत्वाचें.
अतिसाराची समस्या टाळपा खातीर सदांच निवळ आनी उकळिल्ले उदक पियेवचें अशें तज्ञ सांगतात. शक्य जाल्यार फिल्टर केल्लें उदक पियेवचें. जेवचे पयलीं आनी शौचालयात वचून आयलें उपरांत शाबू आनी उदकान हात बरे तरेन धुवचे. तशेंच शक्य तितले भायलें खावप टाळचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
