भांगरभूंय | प्रतिनिधी
भलायके खातीर खंयचोय व्यायामाचो प्रकार बरो. तशेंच वर्कआउटाचो नेट वाडयनासतना ताची तिव्रताय वाडोवपाचे सोंपे मार्ग आसात. ल्हवू ल्हवू चल्ल्यार काळजाचें दुयेंस आनी गोडेंमूत जावपाचो धोको उणो जाता अशें नेवाडा विद्यापिठाचे पोशणशास्त्राचे प्राध्यापक जेनेट ड्यूफेक सांगतात.
खूब वेळ चल्ल्यार बेगीन मरण येवपाचो आनी कॅन्सरा सारकिल्ले दुयेंस जावपाचो धोको उणो जाता. चलपाची तिव्रताय वाडोवन चड फायदो मेळूंक शकता. स्लॉ एएफ रन क्लबाचो संस्थापक मार्टिनस इव्हान्स म्हणटा, चलपाक मजा येवपाक जाय. आमी खेळगडे न्हय. आमी आमचे नेम स्वता तयार करूं शकतात.
चलपाक ग्लूट्स आनी क्वाड्स सारकिल्ले व्हड स्नायूंचे गटाचो आस्पाव जाता. दोनूय कुडीचे सकयले स्नायू आसतात. पूण, मनशाचे जिणे पद्दतींत चलप सोडून हेर कसलीच क्रिया ना जाल्यार ताका अशें व्यायाम करुं येता, जे कुडीच्या वयल्या भागाचेय व्यायाम करतात. इव्हान्स थोडें वजन घेवन चलपाची सुचोवणी करता आनी ताचेर हातांत बाटली घेवन चलप हो सोपो उपाय. वा हात वयर करूनय व्यायाम करूं येता. हातांत वजन घेवन बॉक्सरा भशेन मुठ मारपाचो सल्लो डॉ. ड्युफेक करता.
इश्टा वांगडा भोंवतना इश्टागत सर्त मजेशीर आसूं येता. देखीक घड्याळा कडेन पळोवचे परस वाटेर दिसपी सुण्यांची संख्या मेजची. 25 सुणीं दिसतले तो मेरेन चलत रावपाचे अशें मजेशीर नेम करपाचे ध्येय थारावचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
