भांगरभूंय | प्रतिनिधी
रत्नागिरी, खबरां संस्था: रत्नागिरीच्या खेड म्हालांतल्या लोटे एमआयडीसींत गॅस गळटी जाली. तालारेवाडींतल्या ४० ते ५० लोकांचो गॅस गळटीक लागून जीव फुगार जालो. एम्ब्युलन्सींतल्यान लोकांक हॉस्पिटलांत व्हरपाचें काम सुरू आसा. तिडकल्ले ग्रामस्थ एक्सल कंपनी मुखार जमल्यात. म्हयन्यां भरांतली गॅस गळटेची ही दुसरी घडणूक आशिल्ल्यान थळावे बरेच तिडकल्यात.
रत्नागिरी जिल्ह्यांतली सगळ्यांत व्हड रसायनीक एमआयडीसी आशिल्ली लोटे एमआयडीसींतले एके केमिकल कंपनींतल्यान गॅस गळटी जाल्ल्यान त्या वाठारांत आशिल्ल्या तलारेवाडी हांगच्या ४० ते ५० ग्रामस्थांचेर गॅसीचो वायट परिणाम जालो. हातूंत ल्हान भुरगीं आनी बायलांचोय आसपाव आसा. जांचे भलायकेचेर गॅस गळटेचो परिणाम जाला त्या दुयेतींक हॉस्पिटलांत धाडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
