भांगरभूंय | प्रतिनिधी
नवी दिल्ली, खबरां संस्था ः केंद्रीय लोक सेवा आयोगान लोक सेवा आयोगाच्या अध्यक्ष पदाचेर प्रीती सुदान हांची नेमणूक केल्या. मनोज सोनी हांणी अध्यक्षपदाचो राजिनामो दिला. तांचे सुवातेर 1983 बॅचाची आयएएस अधिकारी आनी आदली केंद्रीय भलायकी सचीव प्रीती सुदान हांची नेमणूक केल्या. सुदान फाल्यां 1 ऑगस्ट 2024 दिसा पदभार स्विकारतली.
मनोज सोनी मे 2022 सावन हें पद सांबाळताले. तांची पांच वर्सां उरिल्लीं आसतना तांणी राजिनामो दिलो. युपीएससी उमेदवारांनी वेंचणुके खातीर बनावट जात आनी दिव्यांग प्रमाणपत्रां वापरिल्ल्यान वाद सुरू जाले उपरांत तांणी राजिनामो दिलो. तांचो कार्यकाळ एप्रिल 2025 मेरेन आसतलो.
राष्ट्रपती द्रौपदी मुर्मू हांणी 1 ऑगस्ट 2024 सावन लागू जावपी युपीएससीचे अध्यक्षपदाची कर्तव्यां सांबाळपाक संविधानाच्या कलम 316 च्या कलम (1A) खाला यूपीएससीची वांगडी प्रीती सुदान हांची नेमणूक करपाक मान्यताय दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
