भांगरभूंय | प्रतिनिधी
पणजी: कला आनी संस्कृती संचालनालय, पश्चीम विभाग सांस्कृतीक केंद्र, उदयपूर हांच्या जोड पालवान दर्या संगम, कला अकादमी, कांपाल हांगा वर्सुकी राष्ट्रीय लोकोत्सव लोकोत्सव २०२६ चें आयोजन करतले.
देशांतल्या विंगड विंगड राज्यांतले सुमार ५०० परफॉर्मींग कलाकार ह्या महोत्सवांत वांटो घेवन आपल्या राज्यांतली लोकनाच, लोकसंगीत आनी हेर कला सादर करतले. लोकोत्सवाच्या काळांत गोंयां सयत विंगड विंगड राज्यांतले मेळून ६०० परस चड कारांगीर हस्तकला वस्तूंचे आनी खाद्य पदार्थ प्रदर्शन आनी विक्री करपाचे स्टॉल्स घालतले.
लोकोत्सवांत आपलो स्टॉल घालपा खातीर कार्ड/परवानो आशिल्ली हस्तकला, हातमाग, परंपरीक वस्ती आनी हेर उत्पादनां तयार करपी गोंयांतले हस्तकला कारागीर आनी खावपाचे जिन्नस उत्पादन आनी विक्री करपी व्यक्तिंकडल्यान विहीत नमुन्यांत अर्ज मागयल्यात.
सगळ्या स्टॉलां खातीर शुल्क लागू आसतले. हस्तकला आनी पॅक्ड फुडाचे स्टॉल शेअरिंग तत्त्वांचेरय आसतले (दोन मनशांखातीर) आनी ते प्रमाण शुल्क वाटून घेवपाक मेळटले. शुल्क डॅबीट कार्ड वा युपिआय वरवीं स्टॉल वाटपावेळार भरचे पडटले. अर्ज १० रूपया फारीक करून कला आनी संस्कृती संचालनालय, संस्कृती भवन, पाटो पणजी हांगा २३ आनी २४ डिसेंबर मेरेन पयलीं येवप्यांक पयलीं ह्या तत्वाचेर सकाळीं १० ते सांजेच्या ५ वरां मेरेन उपलब्ध आसतले. पुराय भरिल्ले अर्ज २९ डिसेंबर २०२५ मेरेन खात्याच्या कार्यालयांत सुपुर्द करपाक जाय. हे अर्ज फकत गोंयच्या हस्तकला कारागीर, पॅक केल्ले खावपाचे जीन्नस स्टॉला खातीर आसात. वळखपत्र तपासून एका विक्रेत्याक फकत एकूच अर्ज दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
