भांगरभूंय | प्रतिनिधी
पणजी: कला आनी संस्कृती संचालनालया वतीन पश्चीम विभाग सांस्कृतीक केंद्र, उदयपूर हांच्या जोड पालवान दर्या संगम, कला अकादमी, कांपाल हांगा आयोजीत करपी वर्सुकी राष्ट्रीय लोकोत्सवांत गोंयच्या कलाकारांचे खास पँटींग्स प्रदर्शन आयोजीत करतले. लोकोत्सवाची येसस्वी २५ वर्सां हे संकल्पनेचेर आयोजीत करपी चित्रकला प्रदर्शनांत गोंयच्या कलाकारांक आपले कलेचें प्रदर्शन मांडपाची संद मेळटली. कला अकादमीच्या कला दालनांत हें प्रदर्शन मांडटले. प्रदर्शनांत मांडपा खातीर पँटींग्स/कलाकृती उण्यात उणी १.५ फूट ते चडांत चड २.५ फुटाच्यो आसपाक जाय.
ह्या कला प्रदर्शनांत भाग घेवपा खातीर गोंयच्या चित्रकारांनी आपली पँटींग्स/कलाकृती १६ जानेवारी २०२६ दिसा मेरेन कला अकादमीच्या कला दालनांत हाडून दिवपाक जाय. कला अकादमीच्या कार्यालयांत पावपाक जाय. चित्रकारांनी आपलीं पँटींग्स/कलाकृतीच्या म्हायती सयत प्रवेशीके वांगडा दिवपाक जाय. प्रवेशीका अर्ज आनी चड म्हायती खातीर ०८३२-२४०४६३०/२४०४६०६/६०० ह्या फोन नंबराचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
