भांगरभूंय | प्रतिनिधी
डॉ. चंद्रकांत शेट्ये : अडवलपालींत सभाघर बांदपाक सुरवात
भांगरभूंय । प्रतिनिधी
दिवचल : दिवचल मतदारसंघांतल्या गांवगिऱ्या वाठारांत लोकांचे गरजे प्रमाण उदरगत करपाचेर आपणे भर दिला, अशें दिवचलचे आमदार डॉ. चंद्रकांत शेट्ये हांणी सांगलें. आमदार निधींतल्यान 22 लाख रुपया खर्च करून खोटवायंगण अडवलपालच्या श्री सांतेरी देवळा मुखार समाजीक सभाघर (शेड) बांदपाच्या कामाक बुन्यादी फातर बसयले उपरांत ते उलयताले.
ह्या वेळार तांचे वांगडा जिल्हो पंचायत वांगडी प्रदीप रेवोडकार, अडवलपालची सरपंच सुबत्ता सामंत, उपसरपंच विनेश्री गांवकार, पंच गजानन पालकार, गीतेश गडेकार, शेखर परवार, देवस्थानचे अध्यक्ष अर्जुन गावकार, देवस्थानचे हेर पदाधिकारी, आदले सरपंच मनोज साळगांवकार, महेश गांवस, नितीन सामंत, गौतम नायक तशेंच गांवचे लोक व्ह़ड संख्येन उपस्थीत आशिल्ले. सरकारा कडल्यान दिवचलच्या उदरगतीच्या कामां खातीर बरो आदार मेळटा. चड करून मुख्यमंत्री डॉ. प्रमोद सावंत हे जातीन लक्ष घालीन सदांच सकारात्मक आसतात. ह्या समाजीक सभाघराचो देवस्थान वाठारांत जावपी धर्मीक तशेंच समाजीक कामा खातीर वापर जावपाक शकता. ह्या समाजीक सभाघरांतल्यान एकचार निर्माण जावचो तशेंच ताचो दुरुपेग जावचो ना हाची दरेकल्यान जतनाय घेवची. ह्या कामा खातीर गांवांतल्या लोकांची सेगीत फाटपुरवण तातूंत देवस्थान समितीचोय बरो आदार मेळ्ळा, अशें डॉ. शेट्ये हांणी सांगलें. लोकांची मागणी पुराय करपाक शकलों, हें आपूण आपलें भाग्य समजता, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
