भांगरभूंय | प्रतिनिधी
भांगरभूंय I प्रतिनिधी
पणजी : गोंय लोकसेवा आयोगान बुधवारा एकाच दिसा 20 खात्यांतर्गत बडटी समित्यांची बसका घेवन विवीध खात्यांतल्या अधिकाऱ्यांचे बडटीचे प्रस्ताव मंजूर केले. आयोगाचे अध्यक्ष ज्योस मॅन्युएल नोरोन्हा हांचे अध्यक्षते खाला ह्यो बसका जाल्यो.
20 खात्या खाला बडटी समित्यांचे बसकेंत आयोगान वस्तू संग्रहालय, कला-संस्कृती, पर्यटन, गोमॅकाॅ, कायदो, दांत म्हाविद्यालय, उच्च शिक्षण, भलायकी खात्याचे प्रस्ताव मंजूर केले. वस्तूसंग्रहालयांतल्या एकाची क्युरेटर आनी दुसऱ्या अधिकाऱ्याची संरक्षकपदार बडटीचो प्रस्ताव मंजूर केला.
कला-संस्कृती खात्यांतल्या एका अधिकाऱ्याक ग्रंथपाल, पर्यटन खात्यांतल्या एका अधिकाऱ्याक सहाय्यक संचालक, उजो पालोवपी दळांतल्या तीन अधिकाऱ्यांक सहाय्यक विभागीय अधिकारी, गोमॅकाँतल्या दोगांक फिजिओथॅरपीतले सहाय्यक प्राध्यापक अानी वेवसायीक सहाय्यक प्राध्यापक, जाल्यार कायदो विभागांतल्या एकल्याक सिव्हील रजिस्ट्रार कम सब रजिस्ट्रारपदार बडटी दिवपाक मंजुरी दिल्या.
तशेंच दांत म्हाविद्यालय, उच्च शिक्षण सारक्या खात्यांतल्या मेळून वट्ट 50 अधिकाऱ्यांच्या बडटीचे प्रस्ताव आयोगान बुधवारचे बसकेंत मंजूर केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
