भांगरभूंय | प्रतिनिधी
पणजी: लोकसभा सचिवालयांत कोंकणी भाशे खातीर सल्लागार दुभाशकांची (Consultant Interpreters) कंत्राटी तत्वांचेर सुची करपा खातीर लोकसभा सचिवालयान पात्र आनी इत्सूक भारतीय नागरीक आनी लोकसभा आनी राज्यसभा सचिवालय, राज्य विधानसभा सचिवालय, स्वायत्त सस्थां, केंद्रीय/राज्य भौशीक क्षेत्र आस्थापना, सर्वोच्च आनी उच्च न्यायालय आनी थळाव्या सस्थांतल्या निवृत्त कर्मचार्यां कडल्यान अर्ज मागयल्यात. अर्जदाराची पिराय २२ ते ७० वर्सा आसची. इत्सूक अर्जदारांनी चड म्हायती खातीर हीं http://sansad.in/ls/recruitment हे वेबसायटीक भेट दिवची. पात्र आनी इत्सूक उमेदवारांनी सरळ लोकसभा सचिवालयाच्या भरती शाखेंत अर्ज करचे. अर्ज करपाची निमाणी तारीख २८ नोव्हेंबर सांजेच्या ६ वरां मेरेन आसा, अशें राजभाशा संचालनालयान कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
