भांगरभूंय | प्रतिनिधी
नवी दिल्ली, खबरां संस्था: लोकसभा वेंचणुकेंतल्या सव्या पांवड्याचो प्रचार सोंपलो. स राज्यां तशेंच दोन केंद्रशासीत प्रदेशांतल्या ५८ जाग्यांचेर फाल्यां, शेनवारा मतदान जातलें. दिल्लींतले सगळे सात जागे, हरियाणांतले १० आनी उत्तर प्रदेशांतल्या १४ जाग्यांचो हातूंत आसपाव आसा.
म्हत्वाच्या जाग्यांचेर मतदान
वट्ट ८८९ उमेदवार वेंचणुकेक देंवल्यात. ह्या पांवड्यातल्या कांय म्हत्वाच्या जाग्यांचेर नवी दिल्ली, ईशान्य दिल्ली, वायव्य दिल्ली आनी चांदनी चौक तशेंच उत्तर प्रदेशांतले सुलतानपूर आनी आझमगड हांचो आसपाव आसा. जम्मू आनी काश्मीरचे अनंतनाग-राजौरी, पश्चिम बंगालचे तमलूक, मेदिनीपूर, हरियाणाचे कर्नाल, कुरुक्षेत्र, गुडगाव, रोहतक आनी ओडिशाचे भुवनेश्वर, पुरी आनी संबलपूर हे हेर म्हत्वाचे जागे आसात. भाजप तशेंच कॉंग्रेस, आम आदमी पक्ष आनी इंडिया आघाडींतल्या हेर घटक पक्षांनी जिखपाचे दावे केल्यात. दिल्लीच्या मुख्यमंत्री अरविंद केजरीवाल हांकांय प्रचारा खातीर अंतरिम जामीन कांय दिसां पयलीं मंजूर केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
