भांगरभूंय | प्रतिनिधी
भांगरभूंय । प्रतिनिधी
मडगांवः फकत गोंयांतूच न्हय जाल्यार पुराय देशांतली लोकशय काबार करपाचें काम भाजप करीत आसा. ताका लागून येता ते लोकसभा वेंचणुकेंत दक्षीण तशेंच उत्तर गोंयांत काँग्रेस पक्षाच्या उमेदवारांक वेंचून दिवपाचें आवाहन खासदार फ्रान्सिस सार्दिन हांणी केलां.
केंद्रीय गृहमंत्री अमित शाह हांणी गोंयांतल्या दोनूय लोकसभा मतदारसंघात भाजपाच्या उमेदवारांक जैतिवंत करपाचें काम दिलां. काँग्रेसच्या आमदारांक भाजपांत घेतिल्ल्यान दोनूय मतदारसंघात सहज जैत मेळटलें अशें तांका दिसता जाल्यार तें तांचे फकत सपन थारतले अशें दक्षीण गोंय जिल्हो काँग्रेस कार्यालयांत आयोजीत केल्ले पत्रकार परिशदेंत सार्दिनान सांगलें.
गोंयची संस्कृती गुजरातले संस्कृती सारकी न्हय. ज्या आमदारांनी काँग्रेस सोडल्ली तांका लोकांनी परत लागीं केलें ना. पशयाचे आशेन आनी सुवार्थ सादपाक भजापांत गेल्ल्यांक गोंयकार माफ करनात. दक्षीण गोंयांतले लोक भाजपा वांगडा नाशिल्ल्यान कांय काँग्रेस आमदारांक भाजपान आपले वटेन ओडून व्हेलां. ते विशीं लोकांमदीं आशिल्ली तिडक लोकसभा वेंचणुकेंत दिसून येतली अशें तांणे सांगलें.
गोंयांत काँग्रेस सरकारान सुरू केल्ल्यो येवजण्यो नांव बदलून भाजपा सरकार त्यो आपल्यो अशें सांगता. जीएसटी वरवीं लोकांच्या बोल्सांतले पयशे सरकार काडून घेता. म्हारगाक मळबाक तेंकल्या, बेरोजगारी वाडत चल्ल्या असो आरोप करून म्हायद विशीं अमित शाह हांणी एकूय उतर काडलें ना. कारण कर्नाटकांतल्या लोकांक पियेवपा खातीर न्हय जाल्यार स्टील प्रकल्पां खातीर उदक व्हरपाची शाह हांचो डाव आसा अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
