लोंढा लागसार पूल नेमलो
भांगरभूंय | प्रतिनिधी
भांगरभूंय । खबरां संस्था
कारवार : फाटल्या कांय दिसां सावन पडपी उटंगाराच्या पावसाक लागून गोंयांतूच न्हय तर पुराय देशांक बरेंच लुकसाण जालां. गोंय- बेळगांव राष्ट्रीय म्हामार्गा वयलो लोंढा लागसारा बांदिल्लो नवोच पूल आयज सकाळीं नेमलो.
हे विशीं चड म्हायती प्रमाण, ह्या पुलाचें उक्तावण हालींच जाल्लें. पावसाच्या उदकाक पुला वयल्यान वचपा खातीर खंयच जागो दवरूंक नाशिल्ल्यान उदक पुलार सांठून ह्या पुलाचो एक भाग नेमलो. ह्या पुलाच्या रस्त्याची माती सकयल देंवल्या. तशेंच रस्त्याक वेर गेल्या. हो रस्तो सध्या येरादारी खातीर बंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
