भांगरभूंय | प्रतिनिधी
मडगांवच्या लॉयोला हायस्कुलान 24वी ब्रदर डी ओ स्लेटरी आंतरस्कूल फुटबॉल सर्तीचें वस्तादपण मेळयलें. चिखलीच्या रेजिना मुंडी हायस्कुलाचे मैदानाचेर फायनलींत ताणें नावेलीच्या पर्पेच्युअल सुकूर कॉन्वेंट हायस्कुलाक 4-2 अशा गोल फरकांनी हारयलें.
पुर्ण वेळाच्या खेळांत दोनूय पंगड 2-2 अशे बरोबरींत आशिल्ले. लॉयला हायस्कुला वतीन आंद्रियास फुर्तादो आनी दुर्वेश फोंडेंकार हांणी दरेकी एक गोल केलो, जाल्यार पर्पेच्युअल सुकूर कॉन्वेंट हायस्कुला वतीन इमॅन्युएल गामा आनी इनोश वाझ हांणी गोल केले.
निकाल लावपाक टायब्रेकराचो आदार घेवचो पडलो. हातूंत लॉयोला हायस्कुलान जैत जोडलें. मजगतीं, तिसरे सुवाते खातीर जाल्ले मॅचींत म्हापशेंच्या सेंट ब्रिटो हायस्कुलान कोलवेंच्या इन्फंट जिझस हायस्कुलाक हारयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
