भांगरभूंय | प्रतिनिधी
भांगंरभूंय । प्रतिनिधी
मडगांवः मडगांवच्या लॉयेला हायस्कुलांन आपणाल्या विद्यार्थ्यां खातीर हालींच ‘माइम’ ( मुकाभिनय) ह्या नाट्य तंत्राचेर स दिसांची कार्यशाळा घडोवन हाडली. बेंगळुरूच्या नॅशनल स्कूल ऑफ ड्रामा हांगा नाट्य प्रशिक्षण घेतिल्ल्या राजरत्न कौशल्य हांण कार्यशाळेंत मार्गदर्शन केल्लें. पांचवी तें णवे यत्तेच्य मेळून 26 विद्यार्थ्यां तातूंत वांटो घेतिल्लो. माइमाची वळख, ताचें तंत्र, हावभाव, भेसवण आनी मेकअप हाचेर विद्यार्थ्यांक म्हायती दिली.
कार्यावळीच्या समारोप कार्यावळी वेळार श्रीमती शुभांगी देसाय हिणें जमिल्ल्यांक येवकार दिलो. विद्यार्थ्यांनी वेगवेगळ्या एकल आनी गट प्रकारांचे ‘माइम’ सादर करून आपली सृजनशील प्रतिभा दाखयली. मुख्याध्यापक फादर बेजील वागो आनी मार्गदर्शक राजरत्न कौशल्यान हांचे हस्तुकीं कार्यशाळेंत वांटो घेतिल्ल्यांक प्रमाणपत्रां भेटयलीं. ब्लेसली फर्नांडीस, पियूश नायक आनी डॅनियल कार्दोझो ह्या तीन विद्यार्थ्यांनी कार्यशाळेंतले आपले अणभव सांगले . पालकांचे वतीन श्रीमती डायना डीक्रूज हिणें सृजनशील प्रतिभेचें प्रदर्शन करपाक एक माची दिवपा खातीर अश्या उपक्रमांची गरज आसा अशें सांगलें. . आपल्या उलोवपांत मुख्याध्यापक फादर बेजील वागो हांणी कार्यशाळेंत वांटो धेतिल्ल्यांची तोखणाय करून शाळेच्या वेगवेगळ्या उपक्रमांची म्हायती दिली.. श्रीमती अपर्णा वारीक हिणें उपकार मानले. एलिटन फर्नांडीस हांणे सूत्रसंचालन केलें. कार्यशाळा घडोवन हाडपाक श्रीमती शुभांगी देसाय, श्रीमती अपर्णा वारीक आनी एलिटन फर्नांडीस हांणी फुडाकार घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
