भांगरभूंय | प्रतिनिधी
बेरूत, खबरां संस्था ः लेबनॉनांतल्या पेजर स्फोटाक लागून मध्य उदेंतांत बोवाळ जाला. पेजरच्या सिरियल बॉम्ब स्फोटांत सुमार 20 जाणांक मरण आयलें आनी हिजबुल्लाहाचे हजारांनी दहशतवादी जखमी जाले. ह्या स्फोटा उपरांत इस्त्रायलाचे गुप्तचर एजन्सीचेर दुबाव उक्तायला. इस्त्रायलाची गुप्तचर संस्था मोसादान पेजरांत स्फोटक पदार्थ घाल्यात अशें सांगतात. मजगतीं, ह्या प्रकरणांत मूळ केरळ वायनाडांतल्या रिन्सन जोस हांचे नांवूय मुखार आयलां. रिन्सन जोस आतां नॉर्वेचो नागरीक जाला. रिन्सन जोस हो बल्गेरियांतल्या नॉर्टा ग्लोबल लिमिटेड कंपनीचो धनी आसा.
युरोपांतल्या SANS नांवाच्या मीडिया आउटलेटान जारी केल्ल्या अहवाला प्रमाण ह्या पेजर डीला फाटल्यान बल्गेरियांतली नॉर्टा ग्लोबल लिमिटेड नांवाची कंपनी आशिल्ली. ही कंपनी रिन्सन जोस हाणें स्थापन केल्ली. इस्त्राएलाच्या एजन्सीनी तयार केल्ल्या शेल कंपनींच्या नेटवर्कचो ही कंपनी भाग आसूं येता अशें अहवालांत म्हणलां.
बल्गेरियाच्या तपास संस्थेन रिन्सनाक क्लीन चिट दिल्या. पेजराची खंयचीच शिपमेंट बल्गेरियांतल्यान वचूंक नाशिल्ल्याचें तपासांत दिसून आयलें. नॉर्टा ग्लोबलान खंयच्याच बेकायदेशीर वावरांत वांटो घेवंक ना अशें SANS हांणे स्पश्ट केलां. पूण रिन्सन जोस आनी ताच्या कंपनीन जारी केल्ल्या अधिकृत निवेदना प्रमाण तांचो एकंदरीत प्रकरण आनी करारा कडेन कांयच संबंद ना.
मजगतीं, ह्या प्रकरणांत रिन्सन जोस हांका आनी ताच्या कंपनीक क्लीन चिट मेळ्ळी तरी आतां हे प्रकरण गुंतागुंतीचे जाला. स्फोटांत वापरिल्लो पेजर नेमको खंय तयार केल्लो? हातूंत इस्त्रायलाच्या एजन्सींची भुमिका कितें? हाचे विशीं फुडली चवकशी करप चालू आसा. हाचे आदींय अशे तरेन शेल कंपनींचो वापर जातालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
