भांगरभूंय | प्रतिनिधी
पत्रभूंय
डाॅ. प्रमोद सावंत
मानादिक मुख्यमंत्री,
पन्नास टक्के तिकेट दरेन अस्तुरेक कामांक व्हरपाचें, हाडपाचें सरकारान थारयलां. प्रायव्हेट बसींनीं, कदंबान ‘लेडीज ओन्ली’ जागे तुमच्याच सरकारान दिले. आयजय तो निर्णय सारको चालीक लागिल्लो दिसना. तो 100 टक्के चालीक लागतलो अशी आस्त आसा. सकाळ, सांजवेळा अस्तुरी कामांक वचपा, हाडपाच्या वगतार ‘लेडिज ओन्ली’ बसी सोडात. तोय निर्णय तुमच्याच आदल्या सरकाराचो, 100 टक्के चालीक लायात. फुल तिकेट घेतल्यार जाता फकत अस्तुरेक बसपाक जागे दियात. सगल्या मुखेल शारांतल्या, गांवांतल्या मुखेल बसस्टाॅपांवेल्यान मिनी, व्हडल्यो ‘लेडीज ओन्ली’ बसी कामाक वचपा, हाडपाच्या वगतार सोडल्यार बेस बरें.
रातपाळी अस्तुरे पासत सुरु करपाचो निर्णय सारको चालीक लावचो. रातीच्या वगतार अस्तुरेक हाडपा, व्हरपाक ‘लेडीज ओन्ली’ बसी आसच्यो. तातूंत अस्तुरी ड्रायव्हर, कंडक्टर आसप समा जातलें.
दोतोर, तुमी स्वयंपूर्णा घडयतात तेन्ना स्वयंपूर्ण अस्तुरेच्या भुरग्यां पासत कामाच्या जाग्यार पाळणोघरां आसतलीं हेंय पळोवशात ? बदल घडोवपाक सरकारान आरंभ केला. तुमी ‘चेंजमेकर’ जावंक शकतात. आदले मुख्यमंत्री मनोहर पर्रीकार हांणी तुमकां मुख्यमंत्रीपदा मेरेन कशें वच्चें हें शिकयलें. तुमीं आमकांय शिकयतात फुडें वचूंक, चलूंक. तुमीं सुरु केल्ल्यो इ- बसी सगल्या शारांनी व्हरात. भौशीक येरादारी घटमूट केल्यार प्रायव्हेट गाड्यो, मोटारसायकली, स्कुटरी उण्यो जातल्यो, अॅक्सिडेंटय उणे जातले.
आॅल द बेस्ट व्हडा बदलां कडेन वचपाक.
– सुहासिनी प्रभुगांवकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
