भांगरभूंय | प्रतिनिधी
लंडन, खबरां संस्था: नामनेची लेखिका अरुंधती रॉय हिका अंदूंचो ‘पेन पिंटर २०२४’ हो पुरस्कार जाहीर जाला. हो पुरस्कार नामनेचो मानतात. ‘पेन पिंटर’ हो पुरस्कार जाहीर जाले उपरांत अरुंधती रॉय हांणी खोस उक्तायली. मजगतीं, युनायटेड किंगडम, रिपब्लिक ऑफ आयर्लंड वा कॉमनवेल्थांत रावपी उत्कृश्ठ साहित्यीक गुणवत्तेच्या लेखकाक हो पुरस्कार दर वर्सा दितात.
नाटककार हॅरॉल्ड पिंटर हांच्या उगडासान हो पुरस्कार २००९ सावन भेटयतात. १० ऑक्टोबर २०२४ दिसा हो पुरस्कार तिका भेटयतले. ह्या वेळार अरुंधती रॉय उलोवप करपाची शक्यताय आसा.
रुथ बॉर्थिक, खालिद अब्दलाल आनी रॉजर रॉबिन्सन ह्या तिगांचे समितीन अरुंधती रॉय हांच्या नांवाची अंदूंच्या पुरस्कारा खातीर शिफारस केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
