भांगरभूंय | प्रतिनिधी
पणजी : राज्य कर्मचारी भरती आयोगा वतीन लॅबोरेटरी असिस्टंट, ज्युनियर रीसर्च असिस्टंट आनी हेर पदां खातीर पयली सीबीटी परिक्षा २८ फेब्रुवारी आनी १ माचारक जातली. आयोगान परीक्षेची सुवात तशेंच परीक्षेचें वेळापत्रक जाहीर केलां. दिव्यांग उमेदवारांक २५ मिनटांचो चड वेळ दितले.
लॅबोरेटरी असिस्टंट, फिशरीज सर्वेयर, ज्युनियर जीओलॉजिस्ट ह्या पदां खातीर आयोगान ५ डिसेंबर २०२५ दिसा जायरात दिल्ली. ते प्रमाण आतां पयली सीबीटी परीक्षा जातली.
लॅबोरेटरी टेक्निशियन, लॅबोरेटरी असिस्टंट, ज्युनियर रिसर्च असिस्टंट आनू फिशरीज सर्वेयर पदां खातीरी २८ फेब्रुवारी २०२६ दिसा परीक्षा जातली. ६० गुणांच्या पेपरा खातीर ७५ मिनटांचो काळ आसतलो. दिसभर विवीध सुवातांचेर उमेदवारांची विभागणी केल्या. उत्तर गोंयांत आग्नेल इनिस्टट्यूट ऑफ टेक्नोलॉजी, आसगांवां परिक्षा जातली. दक्षीण गोंयांत डॉन बॉस्को कॉलेज ऑफ इंजीनीअरींग, फातोर्डा, रोजरी कॉलेज, नावेली आनी नॅशनल इनिस्टट्यूट ऑफ टेक्नोलॉजी, कुंकळ्ळ्यां परिक्षा जातली.
असिस्टंट सुपरीडेंट ऑफ फिशरीज, इन्स्पेक्टर लीगल मेट्रोलॉजी, ज्युनियर जीओलॉजिस्ट, असिस्टंट केमिस्ट, असिस्टंट आर्चिविस्ट, इन्वेस्टिगेटर पदा खातीर १ मार्च २०२६ दिसा परिक्षा जातली. उत्तर गोंयांत आग्नेल इनिस्टट्यूट ऑफ टेक्नोलॉजी, आसगांवां आनी सेंट झेवियर महाविद्यालय, धुळेरांत परिक्षा जातली. दक्षीण गोंयांत डॉन बॉस्को कॉलेज ऑफ इंजीनीअरींग, फातोर्डा, रोजरी कॉलेज, नावली आनी नॅशनल इनिस्टट्यूट ऑफ टेक्नोलॉजी, कुंकळ्ळ्यां परिक्षा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
