भांगरभूंय | प्रतिनिधी
मुख्यमंत्री डॉ. प्रमोद सावंत हांची म्हायती
दोगांकूय थायलॅण्डांत घेतल्यात ताब्यांत
सुरक्षा उपाय नाशिल्ल्या आस्थापनांचेर जातली कारवाय
भांगरभूंय । प्रतिनिधी
पणजी : बर्ज बाय रोमियो लेनचे धनी गोरव लुथरा आनी सौरभ लुथरा हांकां थायलॅण्डांत अटक केल्या. सीबीआयचे मजतीन तांकां बेगिनूच गोंयांत हाडटले. ही म्हायती मुख्यमंत्री डॉ. प्रमोद सावंत हांणी दिली.
सीबाय, विदेश मंत्रालय आनी गृह मंत्रालयाचे कारवायेक लागून लुथरा भावांक थायलॅण्डांत ताब्यांत घेवप शक्य जालें. सीबीआयचे मजतीन गोंय पुलीस बेगिनूच तपासा खातीर तांकां गोंयांत हाडटले, अशें मुख्यमंत्र्यान सांगलें. पुलीस म्हासंचालक आलोक कुमार आनी उपम्हानिरिक्षक वर्षा शर्मा हांचे कडेन बसके घेतले उपरांत तांणी ही म्हायती दिली. बर्च बाय रोमिओ लेनीक फाटल्या शेनवारा उजो लागून 25 जाणांक मरण आयिल्लें. दुर्घटणे उपरांत थायलॅण्डांत पळून गेल्ल्या लुथरा भावांक आयज थायलॅण्डांत ताब्यांत घेतले. ह्या प्रकरणांत योग्य दिशेन तपास चालू आसा. गरजेचे परवाने तशेंच सुरक्षेचे उपाय नाशिल्ल्या पर्यटना संबंदांतल्या आस्थापनांचेर तत्काळ कारवाय करतले. कारवायेची प्रक्रिया सुरू जाल्ल्याचें मुख्यमंत्री डॉ. प्रमोद सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
