भांगरभूंय | प्रतिनिधी
नवी दिल्ली : गोंयच्या बर्च बाय रोमियो लेन रेस्टॉरंटाचे धनी गौरव लुथरा आनी सौरभ लुथरा ह्या दोगूय भावांनी दिल्लीच्या रोहिणी न्यायालयांत अटकपूर्व जामीना खातीर अर्ज दाखल केला. ताचेर आयज सुनावणी जावपाची शक्यताय आसा.
उजो लागून तातूंत २५ जाणांक मरण आयलें. हे भिरांकूळ घडणुके उपरांत लुथरा भाव इंडिगोच्या विमानान थायलंडाक पळून गेले. उपरांत गोंय पुलिसांनी तांचे आड ‘ब्लू कॉर्नर’ नोटीस जारी केल्ल्याची म्हायती डीआयजी वर्षा शर्मा हांणी दिली. सीबीआय आनी इंटरपोला कडेन संपर्क केल्ल्याची म्हायती तांणी दिली.
अटकपूर्व जामीनाक करतले विरोध: पुलीस महासंचालक
गौरव आनी सौरभ लुथरा हांच्या अटकपूर्व जामीनाक गोंय पुलीस दिल्लीच्या न्यायालयांत विरोध करतले अशी म्हायती पुलीस महासंचालक आलोक कुमार हांणी दिली. हे विशीं आजूनय नोटीस येवंक नाशिल्ल्याचें तांणी सांगलें.
ह्या प्रकरणांत काल अटक केल्ल्या अजय गुप्ताक आयज सनलायट कॉलनीच्या क्रायम ब्रांचच्या कार्यालयांत हाडून चवकशी सुरू केल्या.
मजगतीं, ह्या भिरांकूळ अपघाता उपरांत जिल्लो प्रशासनान गोंयच्या वागातोरच्या रोमियो लेन रेस्टॉरंटाचो कांय भाग काल मोडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
