भांगरभूंय | प्रतिनिधी
सोरो विक्रेचो परवानो मेळोवपाक भलायकी खात्याची बनावट एनओसी तयार केल्लें प्रकरण
पणजी : ‘बर्च बाय रोमिओ लेन’ क्लबा खातीर सोरो विक्रेचो परवानो मेळोवपाक भलायकी खात्याची बनावट एनओसी तयार केल्ल्या प्रकरणांत आरोपी गौरव आनी सौरभ लुथरा हांकां न्यायलयान सशर्त जामीन मंजूर केला. हाका लागून ह्या दोगांयचो बंदखणींतल्यान भायर येवपाचो मार्ग मेकळो जाला.
‘बर्च बाय रोमिओ लेन’ ह्या क्लबाक सोरो विक्रेचो परवानो मेळोवपा खातीर बनावट कागदपत्रांचो वापर केल्ल्याचो आरोप ह्या दोगांयचेर आसा. ह्या प्रकरणांत हाचे पयलींच कारवाय केल्ली. आतां दुसर्या संबंदीत प्रकरणांतूय ही जामीन मेळिल्ल्यान लुथरा भावांक सुशेग मेळ्ळो.
न्यायालयान जामीन मंजूर करतना कांय अटी घातल्या. गरजेचें आसतना तपासांत सहकार्य करप सक्तीचें केलां.
मजगतीं, ‘बर्च बाय रोमिओ लेन’ क्लबाक उजो लागून घडिल्ले व्हड घडणुके उपरांत थायलंडाक गेल्ल्या लुथरा भावांक भारतांत हाडून अटक केल्ली. उपरांत ते दोगूय बंदखणींत आशिल्ले. ह्यान पयलीं दोगांकूय जामीन मंजूर जाल्लो. आतां आनीक एका प्रकरणांत तांकां सशर्त जामीन मेळ्ळा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
