भांगरभूंय | प्रतिनिधी
सिंगापूर फिडे संवसारीक बुद्दीबळ वस्तादपण सर्तीचें आयोजन करतलो. भारताचो ग्रॅण्डमास्टर डी गुकेश आनी संवसारीक वस्ताद चीनाचो डींग लिरेन हांचे मदीं 20 नोव्हेंबर ते 15 डिसेंबर मजगतीं ह्यो लडती चलतल्यो.
आंतरराष्ट्रीय बुद्दीबळ म्हासंघान (फिडे) काल सिंगापूराच्या नांवाची घोशणा केली. हाचे पयलीं सिंगापूरान वस्तादपण सर्तीचें आयोजन करपाक 20.86 कोटी रुपयांनी (2.5 दशलक्ष अमेरीकन डॉलर) पावणी जिखिल्ली.
सर्तीचें आयोजन करपाक तीन अर्ज फावो जाल्ले. हातूंतले दोन भारतांतले आनी एक सिंगापूराचो आशिल्लो.भारत सरकारान नवी दिल्ली आनी तमिळनाडू सरकारान चेन्नयक कार्यावळ आयोजीत करपा खातीर अर्ज केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
