भांगरभूंय | प्रतिनिधी
लिबिया, खबरां संस्था : उत्तर आफ्रिकेंतल्या मोरोक्को फाटोफाट आतां लिबिया देशांत वादळ आनी हुंवारान बरेंच लुकसाण जालां. डॅनियल चक्रीवादळाक लागून व्हड हुंवार आयला. तातूंत २००० परस चड लोकांक मरण आयलां. व्हडल्यो इमारती मातये भरवण जाल्यात. हजारांनी लोक बेपत्ता आसात. तुर्कस्तानान तीन विमानांनी सोडवणूक पंगड आनी मजत धाडल्या.
प्रधानमंत्री ओसामा हमद हांणी तीन दीस दुखवटो जाहीर केला. वादळा उपरांत आयिल्ल्या हुंवाराक लागून डेर्नाक शारांत व्हड लुकसाण जालां अशें तांणी सांगलें. ह्या शाराक आपत्ती वाठार जाहीर केला.
शेनवारा सरकारान आणीबाणी जाहीर केल्ली. रातच्या वादळाक लागून शिक्षणीक संस्था बंद केल्यात. फुडल्या कांय दिसांनी पावस पडपाची शक्यताय आनी वायट हवामानाची शिटकावणी हवामान अधिकार्यांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
