भांगरभूंय | प्रतिनिधी
भांगरभूंय । प्रतिनिधी
पणजीः राज्यांतल्या दर्या देगांनी लायफ गार्ड सेवा उपलब्द करून दिवपी दृश्टी संस्थे वरवीं तांच्या लायफ गार्डां खातीर नवें तंत्र आनी जीव वाटोवपाच्या तंत्रा विशीं वर्सुकी प्रशिक्षण दिवपाचें शिबीर जालें. शारीरिक कवायती, सॉफ्ट कम्युनिकेशन, संघर्श जावचो न्हय हे खातीरचे यंत्रणेचो तातूंत आसपाव आशिल्लो.
लायफ गार्डां खातीर दर वर्सा हें प्रशिक्षण दितात. सीपिआर प्रथमोचार, दर्या देक ऑपरेशन, जेट स्की ऑपरेशन, रेस्क्यू ट्यूबचो वापर अश्या वेगवेगळ्या तंत्र्याचे गिन्यान ताका ह्या वेळार दिलें. बुडपी मनश्याक जितो दवोरपा खातीर सीपिआर आनी प्रथमोचार हाचेर ह्या शिबिरांत भर दिल्लो. मनीस बुडलो जाल्यार ताचे खातीर पयलीं तीन तें चार मिनटा यत्न करून ताका मरपा पसून वाटावपाक शक्य आशिल्ल्यान हे प्रक्रियेचेर चड भर दिल्लो.
400 मीटर पेंवपाची चांचणी, सहनशक्त, पेंवपाचो व्यायाम, स्ट्रोक सुदारणा, तीन तें पांच मीटर उडयो हाचें प्रशिक्षण प्रशिक्षक सांतान फर्नांडीस हांणी लायफ गार्डांक दिलें. पर्यटकां कडेन संवाद सादप, कठीण परिस्थितींत कशें वागप हाचें शिक्षण तांका दिलें. दृष्टी वतीन एसआरटीएन शिफारस केल्ल्या अभ्यासक्रमा प्रमाण हें प्रशिक्षण दिलें. एसआरटीएक नॅशनल स्किल्स डेव्हलपमेंट कॉर्पोरेशन वरवीं वेवसायीक अभ्यासक्रम उपलब्द करून दिवपा खातीर ट्रेनिंग पार्टनर म्हणून देखील प्रमाणीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
