भांगरभूंय | प्रतिनिधी
भांगरभूंय । प्रतिनिधी
फोंडेंः बोरये पंचायत कार्यालया सामकार बिरेस्तारा मध्यानराती एका गाडयेन धपको दिल्ल्यान लायटीचो खांब मोडून पडलो. शुक्राराक नवो खांबो उबो करपाचें काम वीज खात्याच्या कामगारांनी सुरू केल्लें तेन्ना थंय रस्त्यार येरादारीची कोंयडी जाली. ह्या वाठारांत येरादारीची कोंयडी जायत आसता ताका लागून रस्तो रूंद करपाची मागणी वाहनचालक आनी थळाव्या लोकांनी केल्या.
मेळिल्ले म्हायती प्रमाण बिरेस्तारा राती वास्कोच्यान फोडें वतना ड्रायव्हराचें नियंत्रण गेल्ल्यान गाडयेचो धपको लायटी खांब्याक बसलो आनी तो रस्तार मोडून पडलो. अपघातांत कोणाक कांय जालें ना. फोडें पुलिसांनी रातीं उसरा पंचनामो केलो. शुक्राराक दनपारां खांबो बदलपाचें काम सुरू केले तेन्ना दोनूय वटेन वाहनांच्यो व्हडल्यो रांगो लागल्यो.
टॉप कोला तें साईबाबा देवळा मेरेन रस्तो अशीर आशिल्ल्यान ह्या ना त्या कारणात रस्त्यार येरादारीची कोंयडी जायत आसता. शुक्राराक शिरोड्या कामाक्षी देवीची उमास आशिल्ल्यान थंय वचपी भाविक येरादारीचे कोयंडेंत सांपडले. अशीर आशिल्ल्या ह्या रस्त्याचें रुंदिकरण करपाची बैजारिल्ले वाहनचालक आनी थळावे लोक करीत आसात. मात सरकाराचें तांचे कडेन लक्ष वचना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
