भांगरभूंय | प्रतिनिधी
मडगांव, प्रतिनिधी ः बाणावले बिराडाक रावपी झारखंडाच्या कुटुंबांतल्या 18 म्हयन्यांचे चलयेक लायटीचो शॉक लागून मरण आयलें. ह्या प्रकरणात कोलवा पुलीस फुडलो तपास करतात.
मेळिल्ले म्हायती प्रमाण, हें कुटुंब बाणावले बिराडाक रावतालें. बुधवारा तांची 18 म्हयन्यांची धूव खेळटना वीज सुरु आशिल्ल्या लायनीच्या संपर्कांत आयली. घडणुकेच्या वेळार चलयेचो बापूय कामाक गेल्लो. लायटीचो धपको लागले उपरांत चली बेसुद्ध पडली. तिका उपचारा खातीर दक्षीण गोंय जिल्हो हॉस्पिटलांत व्हेली. तिचेर उपचार जाले, पूण तांचो कांयच फायदो जालो ना. दोतोरांनी तिका मरण आयिल्ल्याचे सांगलें. कोलवा पुलिसांक हे विशीं म्हायती दिल्या आनी पुलिसांनी असैमीक मरण म्हूण हे प्रकरण नोंद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
