भांगरभूंय | प्रतिनिधी
दिवचल: मदलो वाडो लामगांवचे नगरसेवक सुदन गोवेकार हांच्या घराच्या पाख्याचेर आनी वणटीचेर आंब्याचें झाड पडून सुमार तीन लाखाचें लुकसाण जालें. दनपारां चार वरांच्या सुमाराक आयिल्ल्या नेटाच्या वाऱ्यान हें झाड हुमटून घराचेर पडलें. ह्या वेळार गोवेकार घरांत आशिल्ले, पूण तांची दोन भुरगीं आंगणांत खेळटालीं. सुदैवान कोणाकूच दुखापत जाली ना.
दिवचल उजो पालोवपी दळ, दिवचल पुलीस तशेंच तलाठी रोखडेच दाखल जाले. घराचेर पडिल्लें झाड कुशीक काडलें.
नगराध्यक्ष कुंदन फळारी हांणी भेट दिवन पळोवणी केली. पालिका कामगारांनी नितळसाण केली. आमदार डॉ. चंद्रकांत शेट्ये हांणीय जाल्ल्या लुकसाणीचो नियाळ घेतलो. घराचें लुकसाण जाल्ल्याचो पंचनामो करून लुकसाणीचो अहवाल सादर करतले अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
