भांगरभूंय | प्रतिनिधी
पणजी: लाडली लक्ष्मी येवजणे खातीर आतां लग्नाच्या नोंदणी उपरांत 6 म्हयन्यां बदला एका वर्सा मेरेन अर्ज करपाची मेकळीक आसतली. अर्ज करपा खातीरची मुजत वाडोवन सुदारीत येवजणेची अधिसुचोवणी जारी केल्या.
चलयेच्या लग्ना खातीर एक लाख रुपयांची अर्थीक मजत दिवपी येवजण गोंयांत 2012 सावन सुरू आसा. आदले मुख्यमंत्री सर्गेस्त मनोहर पर्रीकार हांच्या कार्यकाळांत सुरू जाल्ले येवजणेंत कालांतरान खूबशे बदल जायत गेले. आतां लग्ना उपरांत अर्ज करपाचे मुजतीत वाड केल्या.
गोंयांत जल्मल्ली आनी 15 वर्सा राबितो केल्ली चली हे येवजणे खातीर पात्र आसा. चलयेच्या आवय बापाय पैकीं एकल्याचो राबितो 25 वर्सां आसप गरजेचो आसा. तशेंच उत्पन्न तीन लाखां मेरेन आसप गरजेचें आसा. येवजणेची रक्कम थेट बँकेच्या खात्यांत जमा करतले.
लग्ना उपरांत अर्ज करपाची मुजत 6 म्हयन्यां वेल्यान एक वर्स केल्ल्यान गरजेचे दाखले जमा करपाक इत्सुकांक चड वेळ मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
