भांगरभूंय | प्रतिनिधी
उमास आनी पुनवे फाटलें शास्त्र समजून घेतल्यार देश- विदेशाचेर येवपी अरिश्टांचेर उपाय शक्य आसा. उमास, पुनवेक दर्याच्या उदकाचीं ल्हारां कशीं नाचतात, धांवतात तें एकचित्तान पळयात. दर्याल्हारांचो अभ्यास केल्यार पावसाचो अदमास कळटलो. तशेंच मनशाच्या मुताचें.
मनशाचें मूत, ताचो रंग, उपेगाच्या अभ्यासांतल्यान डॉ. जी के ठक्कर हांचें वंडर्स ऑफ युरोपथी हें पुस्तक जल्मलें. पुस्तक ल्हान, 99 पानाचें, पानां मोलादीक. डॉ. ठक्कर हांणी युरोपथीचो देश- विदेशांत प्रचार करून कॉनफरन्सींतल्यान लोकांक जागयलें. केल्ल्या प्रचाराक शास्त्र, देखी आनी अणभवाची जोड दिवन पेपरवाचनय केलें. समाजाचें दुखणें समजून घेतल्या उपरांतच समाज सुदारपाचे लागणुकेंतल्यान वंडर्स ऑफ युरोपथीची बांदावळ जाली. जीणेशैलींतल्यान मनीस दुयेंत जाता, वारें, उदक आनी खाण जेवणांतले बदलय जीणेशैलींत आसपावतात. डॉ. ठक्कर त्या तेंपा वयले जेन्ना लागणुकेक म्हत्व आशिल्लें. दुसऱ्याक आपले कडलें बरें कितें तरी दिवचें, समाजांत सकारात्मकता केळोवची, अर्थकारणकाय बळगें मेळचें हो जात्रा, उत्सव, प्रदर्शनांचो हेतू आसता. उत्सवांत गर्दी केल्यार थंडी जायना? उत्सवा दिसा पयलीं सुट्यो आसताल्यो, खाण जेवण करप रांदप, खावप जेवप फाटीं फुडें पळय नासतना. अजीर्ण जातलें काय ना तें चिंतपच ना. प्रायव्हेट कंपन्यो उत्सवा दिसांनी रात दीस वावराक आपयतात. आयज सुट्यो अर्दार आयल्यात. तंत्रगिन्यांनान न्हीद खळयल्या, जेवण खाणय अर्दार आयलां. दोतोर कमी, दुयेंसां चड तेन्ना युरोपथी व्हड? तुमीच जाप सोदात.
डॉ. ठक्कर हांच्या वांगडा युरोलोजिस्ट, कॅन्सर दुयेंती, देवळां आनी इगर्जेंत सेवा दिवपी आशिल्ले. तांचे मजतीन डॉ. ठक्कर हांणी तांचे, युरोपथीचे प्रयोग करतल्यांचे अणभव एकठांय केले. स्वमूत्राचो, शिवांबूचो उपेग करतल्यांक, बरोच तेंप शिवांबू घेवपी शिवांबूभक्तांक मेळून, पुस्तकां वाचून, पेपर वाचनातल्यान वंडर्स ऑफ युरोपथी तांकां काडचें दिसलें. ल्हानशा पुस्तकांत दर एका पानांर मनीस, मनशाची काणी, तांची भलायकी दिसता. वेसनाधीन समाजाक अध्यात्म दिवपी युरोपथी करपी, युरोपथींत अध्यात्म आसा हें सांगपी गुरु युरोपथींत आशिल्ले. वेसनांत बुडपी गुरु जैता मेरेन कशे पावले? लागसल्लें नातें आशिल्ल्यान डाॅ. ठक्कर हांकां तेंय शक्य जालें. समाजीक लागणुकेतल्यान डॉ. ठक्कर हांणी युरोपथी वाचप्यांमुखार दवरतना बदलपी ऋतुमानाचो, उदकाचो, मनशांचोय अभ्यास केला. ‘मिलेट’ संस्कृताय देश, राज्यांत येवपी वारें, पावसा प्रमाण उपेगांत हाडची हें दोतोर सांगतात तशें तांणी पुस्तकांत सांगूंक ना. प्रश्न उपरा सायत, जापो मेळयल्यात. तीख, गोड कितलें, फळां कसलीं खंय खातात ताची म्हायती मेळयल्या. मागीर सॅलड, कोंब काडिल्लें कड्डण, पालक, मेथी खायात, चिकन नाका हें पुस्तकांत सांगलां. मनशाच्या आंगलोटा कडेन पळोवन, म्हायती घेवन वखदां दिवपी दोतोर आयज कितले आसात? दोतोरांक प्रश्न विचारपी पेशंट तरी आसात? युरोपथींतल्यान वजन कमी जावंक शकता, कातीच्या दुयेंसांचेर, आर्थरायटीसाचेर युरोपथीचे प्रयोग जाल्यात हें वंडर्स ऑफ युरोपथी पुस्तकांत डॉ. ठक्कर सांगतात.
गुजरात, राजस्थान, पुर्तुगाल, रशिया, अमेरिकेंतले दोतोर एकठांय आयल्यार दोतोरकेच्या वेवसायाक लागिल्ल्या गिराणा विशीं उलयतात? ते ब्रह्मांडांत सुनिता विल्यम्स कशो रावतात आसतल्यो ताचेर भासाभास करतात ? दोतोरकेच्या वेवसायांत माहिती तंत्रज्ञान नाशिल्लें तेन्ना वंडर्स ऑफ युरोपथी पुस्तक वाचपी हजारांनी आशिल्ले, आजय आसतले. कॅन्सर म्हळ्ळ्यार जीण फाल्यांच सोपली अशें न्हय हें सांगपी. तांकां तरी डाॅ. ठक्कर हांची युरोपथी मानवतली?
कितलो तेंप जालो कॅन्सर जावन? कॅन्सराचेर खंयचीं वखदां घेतल्यांत? डाएट कितें आनी हेर साबार प्रश्न पेशंटांक विचारुनच डॉ. ठक्कर युरोपथी कशी करची तें सांगपी. कॅन्सराच्या निमण्या पावंड्यार आशिल्ल्याक शिवांबूचे उपास परवडचे ना, वखतांय घेवंक पैशे ना तेन्ना सैमाचो सांगात, रगतांतल्यान मेळिल्लें उदक म्हळ्ळ्यार शिवांबू घेतल्यार मनीस धा नासत चार वर्सां खोशेन जियेतलो? डॉ. ठक्कर हांच्या वंडर्स ऑफ युरोपथी पुस्तकांत जाप दिल्या. युरोपथी संवसारीक, दुसऱ्या नांवानय ती खपता, दुसऱ्याचें मूत पिएवन. लाखांनी रुपयांची देणगी दिवन हॉस्पिटलां आनी शाळा बांदल्यार लोकांच्या आशिर्वादांतल्यान. दिल्ली, गुजरातचें प्रदुशण येरादारींचे, प्रदुशणाचें, फोगाचें? कॅन्सराचेर उपाय करपाची सुविधा नव्या आयुष हॉस्पिटलांत आसा?
डॉ. ठक्कर हांकां पुस्तक बरोवपाक आदार दिवपी जे डब्ल्यू आर्मस्ट्राँग. तांणी युरोपथीचो संबंद बायबलांतल्या काणयेकणेन लायला. तांचे वॉटर ऑफ लायफ, डॉ. प्रागजीभाय राठोड हांचें ऑटो युरिन थेरपी हीं पुस्तकां आतां मेळत व्हय? उपेगय जातलो, भक्त जाल्यार, युरोपथीचे, शिवांबूचे.
सुहासिनी प्रभुगांवकार
9881099260
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
