भांगरभूंय | प्रतिनिधी
पणजी : पणजी बाजारांत लसुणाचो दर खूब वाडला. उण्या दर्जाचे लसुणाचे दर दुपेट जाल्यात. उण्या दर्जाची लसूण 100 रुपयांनी म्हारग जावन 300 रुपया जाल्यार बऱ्या दर्ज्याची लसून 400 रुपया कील विकताले. जाल्यार व्हड आकाराचो नाल्ल 20 रुपयांनी सवाय जालो जाल्यार ल्हान आकाराचो नाल्ल 10 रुपयांनी म्हारग जालो. तशेंच मिरसांग सवाय जाल्या.
पणजी बाजारांत कांदे आनी टमाटांचे दर स्थीर आसात, दरेकी 40 रुपया कील आसले. कांदे आनी बटाट दरेकी 50 रुपया कील मेळटाले.
नाल्ल आकारा प्रमाण 40 ते 50 रुपया आशिल्ले. वालपापडी दर्जा प्रमाण 120 रुपया कील मेळटाली. ल्हान वांयगीं 60 जाल्यार व्हड वांयगीं 80 रुपया कील आशिल्ली. मिरसांग दर्जा प्रमाण 10 ते 20 रुपया सवाय जावन 80 तो 100 रुपया कील मेळटाली.
ढब्बू मिरसांग दर्जा प्रमाण 100 ते 120 रुपया कील, कोबी आकारा प्रमाण 50 ते 60 रुपया कील आनी फ्लावर 50 रुपया नग विकताले. भेंडे 80 ते 100 रुपया, घोसाळीं 80 रुपया, गाजर 80 ते 100 रुपया कील आशिल्ले. आलें 200 रुपया कील मेळटालें. सोमारा शाकभाजयांचे दर स्थीर आशिल्ले. बाजारांत मेथी तशेंच शेपू 30 रुपयांक जोडी, पालक 20 रुपया, तांबडी भाजी 20 रुपयांक 1 जोडी जाल्यार 50 रुपयांक तीन जोडयो मेळटाल्यो. कोथमीर 30 रुपया जाल्यार ओटेलांव 10 रुपया जोडी आशिल्ली. लिंबू 50 रुपयांक 10 ते 15 नग मेळटाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
