भांगरभूंय | प्रतिनिधी
हालीं लसणाचें दर वाडतूच आसतना मदींच लसूण सवाय जाल्ल्याचें कळटांच देशभरांत लोकांनी समाधान उक्तायलां. आतां नव्या लसणाचो हगाम सुरू जाला. ताका लागून देशांतल्या बाजारांनी लसूण येवपाक लागल्या. पंदरा दिसां पयलीं एक किलो लसणाचें दर ४०० रुपया आशिल्लें. नवी लसूण बाजारांत येवपाक सुरू जाल्ल्याक हो दर देंवला.
किरकोळ बाजारांत एक किल लसूण आतां २०० ते २५० रुपयांनी मेळटा. आदीं हो दर किरकोळ बाजारांत एका किलोक ४०० रुपया आशिल्लो. पाव किलो लसणाचें मोल १०० रुपयां मेरेन आशिल्लें. नवो हंगाम सुरू जाल्या उपरांत देशांतल्या बाजारांनी सदांच सुमार २० ते ३० टन लसूण येता. ताका लागून देशभरांतल्या जेवणांत लसूण वापरपी कुटुंबांनी समाधान उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
