भांगरभूंय | प्रतिनिधी
पणजी: भारतीय लश्करांत अग्निवीर जनरल ड्युटी, टेक्निकल, क्लार्क /स्टोअर किपर टेक्निकल, ट्रेड्समन ८ वी, ट्रेड्समन १० वी, सैनीक टेक्निकल नर्सींग असिस्टंट, सेपॉय फार्मा, महिला एमपी, धार्मिक शिक्षक जेसीओ, हवालदार शिक्षण आनी हवालदार (सर्वेयर ऑटोमेटेड कार्टोग्राफर) भरती खातीर लश्कराचे www.joinindianarmy.nic.in हे वेबसायटीचेर नोंदणी करची. १२ मार्च सावन ऑनलायन नोंदणी सुरू जाल्या. ती १० एप्रील मेरेन चलतली.
अग्निवीर नोंदणी कोल्हापूर, सातारा, सांगली, सिंधुदूर्ग, रत्नागिरी आनी उत्तर गोंय आनी दक्षीण गोंयांतल्या उमेदवारां खातीर आसा. उमेदवारांनी चड म्हायती खातीर www.joinindianarmy.nic.in हे वेबसायटीचेर भेट दिवची वा ०२३१- २६०६४१९ ह्या फोन नंबरावेल्यान लश्कर भरती कार्यालय, कोल्हापूर हांगा संपर्क करचो, अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
