भांगरभूंय | प्रतिनिधी
भांगरभूंय । खबरां मेज
पणजीः ‘लव्ह जिहाद’ ह्या संवेदनशील विशया वयल्या ‘दी केरला स्टोरी’ ह्या सिनेमाचेर पश्चीम बंगाल आनी तामिळनाडू सरकारान जरी बंदी घातली तरी भारतांत आनी जायत्या विदेशांत हो सिनेमा प्रदर्शीत जाला आनी लोकांक तो आवडला. लव्ह जिहाद घडोवन हाडपी लोक आतां उक्ते पडल्यात. व्हो सिनेमा पळोवन हिंदू जाग्रुत जातले हे भिरातेन ह्या सिनेमाक विरोध जाता अशें सर्वोच्च् न्यायालयाची वकील मणी मित्तल हिणे सांगलां.
हिंदू जनजागृती समितीन आयोजीत केल्ले द केरला स्टोरीः बंदी सिनेमाचेर काय अभिव्यक्ती स्वातंत्र्याचेर ह्या विशया वयल्या ऑनलायन संवाद कार्यावळींत ती उलयताली. दी केरला स्टोरींत लव्ह जिहादा विशीं चडशें कांय दाखयलें ना. प्रत्यक्षांत वस्तुस्थिती भयानक आासा. हिंदूच्या विरोधांत ‘ओ माय गॉड’, ‘पीके’ सारके सिनेमे आयले. आश्रम सारक्या वेब सिरींजांतल्यान हिंदू धर्म आनी ऋशिमुनींचो अपमान केलो. केरला स्टोरीक विरोध करपी तेन्ना कित्याक ओगी आशिल्ले असो प्रश्न मित्तल हिणे केला.
हिंदू जनजागृती समितीचे महाराष्ट्र आनी छत्तीसगड राज्य संघटक सुनील घनवट हांणे सांगलें की दी केरला स्टोटी हो सिनेमा फकत केरळा पुरतो मर्यादित ना . देश- विदेशांत लव्ह जिहादाचें शडयंत्र चालू आसा. ह्या सिनेमांतल्यान आयएसआयएस हे आतंकवादी संघटनेचें वास्तव सामकार आयलां.. ह्या सिनेमाक कांय पक्षाचे फुडारी विरोध करतात. अभिव्यक्ती स्वातंत्र फकत अल्पसंख्यांका खातीर आसा काय किदें, अशें ताणे विचारलां. लव्ह जिहाद आनी आतंकवाद हांचे वास्तव न्हयकारून हो सिनेमा मुसलमानांच्या विरोधांत आसा असो प्रचार चल्ला. हिंदू समाज आता जाग्रुत आसा आनी चडांत चड लोकांनी केरला स्टोरी सिनेमा पळोवपोच अशें आवाहन धनवट हांणे केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
