भांगरभूंय | प्रतिनिधी
नवी दिल्ली, खबरां संस्था ः सर्वोच्च न्यायालयान सोमारा (11 मार्च) सुनावणेंत म्हत्वाचें निरिक्षण केलें. देशांत लग्न सुवाळ्या वेळार फारपेटाच्यो जायत्यो घडणुको घडटात. लग्न सुवाळ्यांतली ही पद्दत दुर्दैवी आनी ताचे हानीकारक परिणाम जाता अशें सांगून सर्वोच्च न्यायालयान म्हत्वाची टिप्पणी केल्या.
उत्तर प्रदेशांतल्या फिरोजाबादच्या एका मनशाचेर 2016 वर्सा लग्न सुवाळ्यांत फारपेट केल्ल्यान खूनाचो गुन्यांव नोंद जाल्लो. ह्या फारपेटांत एका मनशाक मरण आयल्लें. हे प्रकरणांत जिल्लो न्यायालय आनी अलाहाबाद उच्च न्यायालयान आरोपी शाहिद अली हांका आजीवन बंदखणीची ख्यास्त फर्मायल्ली. हाचे उपरांत अलाहाबाद उच्च न्यायालयाच्या ह्या निर्णयाक सर्वोच्च न्यायालयांत आव्हान दिल्लें.
ह्या प्रकरणाची सुनावणी फाटल्या कांय वर्सां सावन सर्वोच्च न्यायालयांत चालू आशिल्ली. निमाणे सोमारा (11 मार्च) सर्वोच्च न्यायालयान व्हड निर्णय दिलो आनी कांय म्हत्वाचीं निरिक्षणां केलीं. अलाहाबाद उच्च न्यायालयान आरोपी शाहिद अलीची आजीवन ख्यास्त रद्द केली. आरोपी शाहिद अली हांणी 8 वर्सां बंदखणीची ख्यास्त भोगल्या. आतां सर्वोच्च न्यायालयान आरोपींची ख्यास्त रद्द केल्या.
ह्या प्रकरणाचो निर्मण दितना सर्वोच्च न्यायालयान म्हत्वाचीं निरिक्षणां केलीं की देशांत लग्न सुवाळ्या वेळार फारपेट करपाच्यो जायत्यो घडणुक्यो घडटात. ही एक दुर्दैवी पूण प्रचलित प्रथा आसा. पूण ह्या दुर्दैवी प्रकाराचे घातक परिणाम जातात. हे प्रकरणय हाची एक देख आसा अशें सर्वोच्च न्यायालयाचे न्यायाधीश विक्रम नाथ आनी न्यायाधीश सतीश चंद्र शर्मा हांच्या खंडपिठान म्हणलें. सर्वोच्च न्यायालयान फिरोझाबाद प्रकरणांत आरोपीक ख्यास्तींत थोडी सुटका मेळ्ळी. पूण ही पद्धत बेकायदेशीर आनी अयोग्य आसा अशी म्हत्वाची टिप्पणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
