भांगरभूंय | प्रतिनिधी
न्यूयॉर्क, खबरां संस्था ः लग्न मोडप हें गजाली कडेन समाजांत नकारात्मक नदरेन पळयतात. देखून सोयरे आनी हेर लोकांच्या प्रतिक्रियांक लागून लोक तें लिपोवन दवरतात. पूण आतां हांतूत बदल जायत आसा. जायतीं नवीं जोडपीं ब्रेकअप हें उदासीनतायेचें कारण म्हणून न्हय, तर नवी सुरवात म्हणून स्वीकारतात. हे विशीं जावपी चर्चा बंद करपाची घोशणाय लेगीत तें करतात. तशेंच घटस्फोटा विशीं आशिल्लो नकारात्मक समज पयस करपा खातीर आतां ‘घटस्फेट रिंग’ हो नवो ट्रेंड आयला.
अमेरिकन अभिनेत्री, मॉडेल एमिली रताजकोव्हस्की हांणी फिल्म निर्मातो सेबॅस्टियन बेअर- मॅकक्लार्ड हांचे कडेन वेगळे जाले उपरांत आपल्या ‘घटस्फोटाची रिंग’चो फोटो इंस्टाग्रामाचेर शेअर केला. नातें संबंद सोडप ही धाडसी गजाल अशें ती सांगता. हाका नातें मोडप अशें मानूंक फावना. घटस्फोटाची रिंगचो संदेश म्हणल्यार लोकांनी नव्यान सुरवात करपाक सोदपी बायलांक प्रस्न विचारप, तांचेर चर्चा करप बंद करचें, तांचे कडेन नकारात्मक नदरेन पळोवचें न्हय. नॉर्थ कॅरोलिनास्थित हेरा फायन ज्वेलरीची संस्थापक लॉरेन बोक सांगता, लग्ना प्रमाणच जिणेंतल्या दरेक घडणुकी कडेन आदरान पळोवपाक जाय. पसंत नाशिल्ले संबंद सोडप हें धैर्याचें लक्षण. तज्ञांकय हो एक सकारात्मक बदल दिसता. ते म्हणटात, बऱ्या नात्यांत रावूंक शकना जाल्यार ताचो अर्थ असो न्हय की तुमी बरो जोडीदार जावंक शकना.
लंडनच्या म्युझियम ऑफ व्हिक्टोरियाची आदली ज्वेलरी क्युरेटर रॅचेल चर्च हिणें सांगलें, ‘घटस्फोटाची रिंग करपाचो हेतू म्हळ्यार समाजीक संकेत धाडप, सकारात्मक विचार करप.’
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
