लग्नाक न्हयकार दिल्ल्यान चलयेचो खून
भांगरभूंय | प्रतिनिधी
भांगरभूंय । खबरां संस्था
दिल्ली ः बिरेस्तारा हांगा 23 वर्साच्या तरणाट्यान 42 वर्सां पिरायेचे बायलेचो खून केल्लो. ते उपरांत शुक्रारा 28 जुलयाक मालवीय नगरांत दिसाचो लोखणाचो रॉड तकलेप मारून एके तरणाटे चलयेक मारलें. लग्नाक न्हयकार दिल्ल्यान हो खून जाल्याचे दिसता. ह्या प्रकरणांत आरोपी तरणाट्याक अटक केल्या.
नर्गिस (23) अशें चलयेचें नांव जावन आसा. जाल्यार अटक केल्ल्या आरोपीचें नांव इरफान (28) अशें आसा. अंदूंच कमला नेहरू कॉलेजींतल्यान नर्गिसान पदवी मेळयली.
इरफाना कडेन लग्न जावपाक नर्गिसच्या कुटुंबान न्हयकार दिल्लो. हाचे उपरांत नर्गिसान इरफाना कडेन उलोवप बंद केल्लें. देखून इरफान ताणांत आशिल्लो. नर्गिस आपल्या इश्टा वांगडा बागेंत भोंवपाक आयिल्ली. तेन्ना इरफानान तिचेर लोखणाच्या रॉडान हल्लो केलो अशें दक्षिण दिल्लीचे उपायुक्त चंदन चौधरी हांणी सांगलें.
गंभीर जखमी जाल्ल्या नर्गिसाक मरण आयलें. इरफान गायब जाल्लो पूण कांय वेळान पुलिसांनी ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
