भांगरभूंय | प्रतिनिधी
लक्ष्य सेनाचें थायलॅण्ड ओपनांतलें आव्हान सोंपलें. ताका सेमी फायनलींत संवसारीक क्रमवारींत पांचवे सुवातेर आशिल्ल्या थायलॅण्डाच्या कुनलवूत वितिदसर्न कडल्यान 21-13, 17-21 आनी 13-21 अशा फरकान हारयलो. लक्ष्य सेनाचे हारी उपरांत भारताचें थायलॅण्ड ओपनांतलें आव्हान सोंपलें.
लक्ष्य सेनान मॅचीक बरी सुरवात केल्ली. ताणें पयली गेम 21-13 फरकान जिखली. लक्ष्य फोकस दिसतालो. तो एका फाटल्यान एक गूण घेतालो. दुसरी गेमी चुरशीची जाली. सुरवातीक दोनूय खेळगडे 11-11 अशे बरोबरीचेर आशिल्ले. उपरांत वितिदसर्नान कमबॅक करतना 21-17 फरकान जिखली. तिसरे गेमींत लक्ष्य सेन आवट ऑफ फॉर्म दिसलो. सेगीत लीड वगडायत गेलो आनी निर्णायक गेम 21-13 फरकान वगडायली.
भारताचें थायलॅण्ड सर्तींतलें आव्हान सोंपलें. दादल्यांच्या एकोड्या गटांत प्रियांशू राजवत, किदाम्बी श्रीकांत, साई परिणीत आनी समीर वर्मा हांचें आव्हान सुरवातीकूच सोंपलें. ते उपरांत बायलांच्या एकोड्या गटांत सायना नेहवाल आनी अश्मिता चालिहा हांचें आव्हान पुर्व उपांत्य फेरयेंत सोंपलें. तशेंच पी व्ही सिंधू आनी मालविका हांचे आव्हान लेगीत सुरवातीकूच सोंपलें.
दादल्यांच्या दोट्टी गटांत सात्विक साईराज रंकीरेड्डी आनी चिराग शेट्टी हांचें आव्हान पुर्व उपांत्य फेरयेंत सोंपलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
