भांगरभूंय | प्रतिनिधी
फाटल्या साबार दिसां सावन फॉर्मा खातीर झुजपी लक्ष्य सेनान थायलॅण्ड ओपन सुपर 500 सर्ती वरवीं परतून लयेंत येवपाक लागला. काल ताणें सेमी फायनलींत सुवात मेळयली.राष्ट्रकूल खेळां सर्तींत भांगरा पदक जिखपी मलेशियाच्या लियोंग जून हाओ हाका सरळ गेमींनी हारोवन निमाण्या चारांनी सुवात मेळयली.
मजगतीं, आपल्या प्रदर्शना वरवीं सगल्यांक अजापाचे धपके दिवपी किरण जॉर्ज हाची धांव मात क्वॉर्टरफायनलींत सोंपली.
लक्ष्य सेनान क्वॉर्टरफायनलींत मलेशियाच्या खेळगड्याक 21-19 आनी 21-11 अशा फरकांनी हारयलो. ह्या जैता सयत लक्ष्य सेन अंदूंच्या हंगाम पयले खेपे सेमी फायनलींत पावलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
