लक्ष्मीपुजन
शास्त्रांत सांगिल्ले प्रमाण लक्ष्मी पुजना वेळार विष्णूदेवाची न्हय जाल्यार गणपतीची पुजा मुजरत जावपाक जाय. हाचे फाटली काणी म्हणल्यार, विष्णूदेवा कडेन गजाली मारतना लक्ष्मीन म्हणलें, आपूण सगळ्यांक धन- धान्य, संपत्ती दिता. हे खातीर आपली पुजा सर्वश्रेश्ठ जावपाक जाय. तिचो अहंकार पळोवन विष्णूदेवान सांगलें, जी अस्तुरी आवय जायना ती अपूर्ण उरता. हे खातीर तुजी पुजा सर्वश्रेश्ठ मानचे नात. लक्ष्मी निरशेता आनी पार्वती कडेन वता. लक्ष्मीची गजाल आयकून पार्वतीक वायट दिसता आनी ती आपलो पूत गणपतीक तिका पोसको दिता. तशेंच त्या वेळार पार्वती घोशणा करता, लक्ष्मी वांगडा जो गणपतीची पुजा करतलो, ताका धन- संपत्ती फावो जातली. तेन्नाच्यान दिवाळेक लक्ष्मी पुजना वेळार गणपतीचीय पुजा करतात. गोंयांतूय काल लक्ष्मीपुजन भक्तीभावान केलें. पणजे आस्थापनांत लक्ष्मी वांगडा पुजेक लायिल्लो गणपती. (नारायण पिसुर्लेंकार)
भांगरभूंय | प्रतिनिधी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
