भांगरभूंय | प्रतिनिधी
नवी दिल्ली, खबरां संस्था ः देशांतले भरपूर पगार घेवपी तरणाटे वेवसायीक म्हारग आनी लक्झरी उत्पादनांचेर चड पयशे खर्च करतात. तरणाट्या वेवसायिकांच्या हे मानसिकतायेक लागूनच भारतांतल्यो लक्झरी कारी (50 लाख रुपया आनी ताचे वयर दर आसली) बाजारांत फामाद आसात. फाटल्या वर्सा (2023) लक्झरी कारांची विक्री 36.85% वाडून वट्ट 38,680 युनिट जाल्या.
ऑटोमोटिव्ह बिझनेस इंटेलिजन्स कंपनी जाटो डायनॅमिक्साच्या आंकड्यां प्रमाण म्हारगाय, चड व्याजदर आनी वाहनांचे दर वाडले, पूण तरी लेगीत प्रीमियम कार विक्री वाडली. 2023 वर्सा वट्ट देशी प्रवासी वाहनांची विक्री फकत 4.4 टक्क्यांनी वाडून वट्ट विक्री 4.1 लाख युनिट जाली. हांतूत खरेदी करपी 31 ते 45 वर्सां पिरायेच्या गटांतले आसा. हाचे वयल्यान तरणाट्यांचे लक्झरी गाडयां कडेन आकर्शण वाडला हें दिसून येता.
कांय वर्सां आदीं लोक ल्हान आनी सवाय गाडयां कडेन चड आकर्शीत आशिल्ले. पूण फाटल्या कांय वर्सांत म्हारग आनी गडगंज गाडयो घेवपा कडेन लोक चड आकर्शीत जाल्याचे दिसून आयलां. मर्सिडीज बेंज इंडिया 13,657 युनिटां सयत पयल्या क्रमांकाचेर, ताचे उपरांत बीएमडब्ल्यू 7,109 युनिटांनी दुसरे सुवातेर आनी उपरांत ऑडी 3,094 युनिट सयत तिसरे सुवातेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
