भांगरभूंय | प्रतिनिधी
भांगरभूंय । प्रतिनिधी
वाळपयः गोरवांच्या कातीक जावपी लंपी दुयेंस देशाच्या हेर वाठारांतल्यान गोंयांत पावल्ल्यान गोरवां सांबाळ खात्यान गोरवांक लंपी दुयेस प्रतिबंदक वासिना दिवपाक सुरू केलां. सत्तरी तालुक्यांत आतां मेरेन 1100 गोरवांचें वासिनीकरण केलां. राज्यांत आठ गोरवांल लंपी रोगाची लागण जाल्ल्याचें दिसून आयल्या उपरांत सरकारान गोरवांक वासिना दिवपाचें जाहीर केल्लें.
राजस्थान, मध्यप्रदेश, केरळ, तमिळनाडू आनी कर्नाटक राज्यांत लंपी दुयेंसाक लागून गोरवां मरपाक लागल्यात. गोरवांक वासिना दिवपाचें काम सुरू केल्ल्यान हो दुयेंस पातळचें ना अशें गोरबा सांबाळ खात्याच्या दोतोरांनी सांगलां. वासिन दितगीर धा दिसांत गोरवां मदी दुयेंस प्रतिकार शक्त तयार जाता असो तांचो दावो आसा.
मजगतीं, वाळपय हांगच्या अखील विश्व जय श्रीराम गोसंवर्धन केंद्रांतल्या गोरवांक चार म्हयन्यां पयलीं लंपी प्रतिबंधक वासिनां दिल्लीं. तांकां आतां कसलोच धोको ना अशें केंद्राच्या वेवस्थापनान सांगलां. नाणूस हांगचे गोशाळेंतल्या गोरवांचेय चार म्हयन्यां पयली वासिनीकरण केल्लें. लंपी दुयेंस गोंयांत पातळचें न्हय हे खातीर सरकारान हेर राज्यांतल्यान गोंयांत गोरवा हाडपाक बंदी घातल्या. गोरवां कांय खायनात आनी बसून आसतात अशी लक्षणा दिसल्यार गोरवां सांबाळ खात्या कडेन बेगोबेग संपर्स सादचो, अशें राज्यांतल्या दूद उत्पादकांक आनी शेतकारांक सरकारान कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
