भांगरभूंय | प्रतिनिधी
तुर्की, खबरां संस्था: लंडन-मुंबय अटलांटीक विमानांतले २५० परस चड प्रवासी तुर्कीच्या दियारबाकीर विमानतळार आडकून पडल्यात. ४० तासां परस चड काळा पसून आडकल्ल्या ह्या प्रवाशां मदीं जायते भारतीय नागरीकूय आसात.
मजगतीं, एरलायन्सच्या प्रवक्त्यान हे घडणुके विशीं म्हायती दितना सांगलें, २ एप्रीलाक लंडनच्यान मुंबयक वचपी VS358 विमानाचो मार्ग दियारबाकिर विमानतळाकडेन मार्ग बदल्लो. लँडिंग जाले उपरांत विमानांत तांत्रीक इबाड जाल्ल्यान ताची सध्या तपासणी सुरू आसा.
प्रवाशांक जावपी गैरवेवस्थे विशींय विमान कंपनीन दिलगिरी उक्तायल्या. आमच्या गिरायकांची आनी कर्मचार्यांची सुरक्षा ही आमची सर्वोच्च प्राथमिकताय आनी आमी जाल्ले गैर वेवस्थे खातीर माफी मागतात. गरजेची आशिल्ली तंत्रीक परवानगी मेळ्ळे उपरांत आमी शुक्रारा ४ एप्रिलाक थळावो वेळ १२ वरांचेर दियारबाकिर विमानतळा वेल्यान मुंबय वचपी विमान VS358 परत प्रवास सुरू करतलें. अशें व्हर्जिन अटलांटिकाच्या प्रवक्त्यान सांगलें.
मजगतीं, विमानतळावर वाट पळयत आशिल्ल्या ३०० प्रवाशां खातीर एकूच शौचालय आशिल्ल्याची कागाळ खुबश्या जाणांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
