भांगरभूंय | प्रतिनिधी
खबरां संस्था
पोर्ट ऑफ स्पेनः क्वीन्स पार्क ओव्हलाचेर सुरू आशिल्ले वेस्ट इंडिजा आडचे दुसरे टॅस्ट मॅचींत भारतान आपल्या पयल्या डावांत जेवणाची वेळ जाल्ली तेन्नी एकूय गडी वोगडायनास्तना 26 ओव्हरींत 121 धांवड्यो केल्यो. ओपनर यसस्वी जयस्वाल आनी कॅप्टन रोहीत शर्मान नाबाद अर्द शेंकडे केल्ले. ताची पयल्या विकेटी खातीर नाबाद 121 भागिदारी हे पयल्या दिसाचें वैशिश्ट्य थारलें.
क्वीन्स पार्काचे स्लो खेळपट्टीचो भारताच्या ओपनरांनी जाय तसो फायदो घेतलो. रोहीत शर्मान 6 चौके आनी 2 सक्यांनी पयलीं अर्द शेंकडो केलो. उपरात जयस्वालान आपलो अर्द शेंकडो 8 चौके आनी 1 सक्यान केलो. जेवणाच्या वेळार रोहीत 63 आनी जयस्वाल 52 धांवड्यांचेर खेळटाले. ही दुसरी टॅस्ट मॅच म्हणल्यार पयल्या टॅस्ट मॅचीचीच पुनरावृत्ती अशें भारताच्या ओपनरांच्या खेळा वयल्यान दिसपाक लागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
