भांगरभूंय | प्रतिनिधी
जूनांत जर्मनींत जावपी युरो फुटबॉल सर्ती खातीर पुर्तुगालान आपलो 26 वांगड्यांचो पंगड वेंचलो. निवड समितीन क्रिस्तियानो रोनाल्डोची लेगीत निवड केल्या. ताका लागून रोनाल्डो सवे खेपे युरो सर्तींत खेळटलो.
स खेपे युरो फुटबॉल सर्तींत खेळपी तो पयलो खेळगडो थारतलो. अजून मेरेन सगल्यांत चड पांच खेपे युरो फुटबॉल सर्तींत खेळपाचो विक्रम स्पेनाच्या इकर कॅलिलासाच्या नांवाचेर आशिल्लो.
रोनाल्डो 2004त पयले खेपे युरो सर्तींत खेळिल्लो. तशेंच तो मुखेली आसतना 2016त पुर्तुगालान वस्तादपण जोडिल्लें. रोनाल्डो सध्या अल नासर ह्या सावदी अरेबियाच्या क्लबा वतीन खेळटा. 206 आंतरराष्ट्रीय मॅचींनी खेळून 128 गोल केल्यात. आंतरराष्ट्रीय मळार सगल्यांत चड गोल करपाचो हो लेगीत विक्रम आसा.
रोनाल्डो सध्या 39 वर्सां पिरायेचो आसा. पूण, पुर्तुगाल पंगडांतलो तो सगल्यांत जाण्टो खेळगडो न्हय. जाल्यार 41 वर्सां पिरायेचो पेप लेगीत पंगडांत आसा.
पुर्तुगालाचो एफ गटांत केला. ह्या गटांत झेक प्रजासत्ताक, तुर्की आनी जॉर्जिया ह्या पंगडांचो आस्पाव आसा.
पुर्तुगाल पंगडः (गोलकीपर) दियागो कोस्ता, रुई पॅट्रिसिओ, जोस सा, (डिफॅण्डर) जुआंव कॅन्सेलो, नेल्सन सेमेडो, दियागो डालोट, नुनो मॅण्डेस, रुबेन डायस, अॅंटोनियो सिल्वा, गोंकालो इनासिओ, पेप, डॅनिलो परेरा, (मिडफिल्डर) जोआओ पालहिन्हा, रुबेन नेवेस, जुआंव नेवेस, विटिन्हा, ओटावियो मोंटेरो, ब्रुनो फर्नांडीस, बर्नार्डो सिल्वा, (फॉरवर्ड) क्रिस्तियानो रोनाल्डो, राफेल लिओ, जुआंव फॅलिक्स, गोंकालो रामोस, दियागो जोटो, पेड्रो नेटो, फ्रान्सिस कॉन्सेंसांव.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
